August 14, 2007

صور من بلدنا لسائح أميركي

إيه رأيكم في بلدنا لما تكون حلوة وهادية
دي صور بعتهالي صديق عربي يعيش في أميركا لبعض الأماكن في مصر
كنت باتفرج عليها، وبقول الراجل ده جاب الصور دي منين
أمال التكاتك والناس اللي ماشية بعكس الطريق واللي مش معلقة نمر، ومامعاهاش رخص
والعيال اللي بتشحت عالنواصي راحوا فين
نحتاج أحيانا إلى عين جميلة كي نستطيع أن نراه









8 comments:

إيمان said...

يمكن محتاجين نسافر يا دكتور عشان نشوف الجانب الجميل ده ولو أن الخوف لو سافرنا يجعلنا السفر لا نأتى مرة تانية

تحياتى

Anonymous said...

صباح الخير اولا

استاذة ايمان سبقتي

لسنا في حاجة الى السفر و لسنا في حاجة للسؤال عن كيفية ايجاد هذه الصور
مصر كارض رائعة و مناظرها لوحة من ابداع الخالق ابسط شىء تامل منظر الغروب
و لكنها ملك لمن لا يحافظون عليها لذلك
هم مبدعون في تشوية كل شىء جميل - هو كدة و مفيش غير كدة عندهم - لكن بعيدا عن ايدي البعض منهم فهي ارض و مكان و بلد رائع و شعب جميل و لكنه لا يعرف قيمة النعمة و لا يصونها و ان كان يعلم لحافظ على هذا الجمال و اصبح يردد في كل لحطة انه في جنة الله على
الارض عارف ده بيفكرني بايه بالشارع اللي انا ساكنه فيه كل ما يصبح اكثر روعة تجد من يشوة سريعا
المهم في صور كثيرة رائعة عن مصر لابد ان نتذكرها لنتذكر ان مصر اجمل و اجمل

و اجمل في عيوننا اولا ثم في عيون السائحين
همسه حب
ريهام

Anonymous said...

كل سنة وانت والجميع بخير
بمناسبة حلول شهر شعبان
اعادة الله علينا بالخير
ضيفنا الغالي - شهر رمضان- اقترب موعده فاستعد له من الان
و يارب جميع
مدوناتك تحظي على اعجاب و رضا الجميل
و انا عن نفسي ابصم بالالاف
انها رائعة دائما
وصباحك سكر همسه حب
ريهام

fawest said...

اسكت يا عم
دة إحنا عندنا كنوز
بس إحنا اقصد انا حمير
مقصرين قوى مع مصر
مش علرفين البلد دى صحلو عرفاها صح و دة اشك فية
عمرك مهتشوف الا كل رائع

sad_doraa said...

تحياتي يا دوك وكلنا مبنحسش بالحاجة غير لما تروح منا
يعني اي صورة لحاجة فرعونية عندنا او صورة كورنيش الاسكندرية او صورة سفاجا او صور فدهب كلها حاجات جامدة جد اجدا
بس عمرنا ما هنحس انها حلوة غير لما تروح ومتجيش تاني
تحياتي لشخصك امحترم

sunset said...

مصر اجمل بلاد العالم جمالها بتشوفه
و انت بعيد... بتقدر تشوفها كويس كل حاجة فيها بتوحشك بس لما بترجعلها بتلاقى التراب دخل عنيك... لا تستطيع التنفس و لا رؤية شىء تحياتى لك و لمصر بلدنا الجميلة

Zain said...

الأعزاء
أمونة، والله مامحتاجين اي حاجة غير حبة تسامح، ونرجع نؤمن إننا كويسين، الغريبة بقى في موضوع السفر إن أنا رجعت بملء إرادتي.زبس أقولك برضه السفر حلو
تحياتي

العزيزة همسة
ياريت نرجع نعرف قيمة النعمة، فنحن لم تعد لدينا أي قيمة لأي شئ في الوجود، ومين السبب إحنا.. قاتل الله غرور المعرفة، أسوأ مريض في العالم هو اللي عارف مرضه، بس من جبروت أهله بيرفض العلاج..
تحياتي لكلماتك الرقيقة
وكل سنة وانت طيبة

العزيز فاوست الجميل
قوللي إنت إمتى نعرفها صح.. هل هناك شروط لهذه المعرفة
تحياتي ليك

العزيزة سدرة
ربنا يخليكي على ذوقك.. أنا سافرت برضه حتت جميلة زي اللي قلتيها، بس للأسف البشر عندنا (.....)
أخبار انتاجك الجديد إيه؟
تحياتي واحتراماتي الدائمة

العزيزة شعاع

أنا عارف إنك قاعدة في الجليد عندك والدنيا هنا حر وكاتمة والغريبة اننا كلنا بنشتاق للحر والكتمة لما نكون بعيد بس.. أتمنى تكوني بخير.. واحنا دائما بلد حلوة وأجدع ناس رغم كل اللي بنقوله..
الله يلعن أبو كده.. برضه بنحبها
تحياتي
زين

aya said...

مصر هي اجمل بلاد العالم واجمل ما فيها ان فيها واحد زي يادكتور بيشوفها بعيون جميله واتمني ان كل مصري يشوفها بتلك العيون


تحياتي : ايه سعودي