إيه اللي مضايقك
**********
طب في رأيك ..إيه الحل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟حاجة تفقع مش كده
الحياة لاتهبك مالديها.. الحياة تهبك مالديك!.. واخد بالك.. مالديك هاه مالديك.. وليس مالديها !!
طب في رأيك ..إيه الحل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟حاجة تفقع مش كده
28 comments:
فى البدايه انا عجبنى الهامش الثقافى فى مدونة حضرتك واللى عجبنى وضحكنى قولك وفي الآخر يكون عندك استعداد للصدام..فلن يعجبك العجب ولا الصيام في رجب..إوعى تحس انك مركز الكون..الثقافة تجعلك في غاية الضآلة في النهاية..تكتشف نفسك من جديد على حقيقتها وحكايه البحلقه فى الصور عشان انا ببحلق كتير فى المعارض عشان اقدر افهم فكره الصوره ومحدش بيفهم حد لان كل واحد لازم يشوف الصوره من وجه نظره هو... كلماتك دائما عميقه وفلسفيه
---------------------------------
مقدرشى اقول انى مش مضايقه لكن بعرف اتعايش بحاول اغير اللى اقدر اغيره مثل نفسى ومشاكلى الشخصيه ومشاكل شغلى واتاقلم مع اللى ماينفعشى اغيره زى بابا لما يزنق عليا فى الخروج
وعدم التاخير وارفض مايجب عليارفضه او اخراجه من حياتى
مثل الاصدقاء والزملاء المنافقين واى شخصيه مش بعرف اتعامل معها او لا تستحق وجودها فى حياتى
الاصرار على هدف عاوزينه مثل اصرارى على الدرسات العليا رغم توقعى للرسوب السنه ديه بس يارب تخيب ظنونى
الحل ان نعرف ايه اللى لازم نغييره فى حياتنا وايه المفروض ان نأقلم نفسنا عليه وايه اللى لازم نرفضه ونخرجه من حياتنا وايه الحاجات اللى لازم نحاول كتير ونقاتل ومش نفقد الامل فى الحصول عليها عشان بنحبها وعاوزنها
صورة البوست قعدت ابحق فيها عشان افهم علاقتها بالبوست ماعرفتش بس اكيد بتعنى شىء
تحياتى
والاجمل ..ان نحاول دائما اختتطاف لحظات السعاده لاننا لانعيش الا مره واحده فلا تستوقفنا مشاكل الحياه كثيرا امامها وتحرمنا من احساسنا بالحياه وبالسعاده
تحياتى
يااااااااااااه يا دكتور بجد بجد موضوع تحفة انا بقي هقلك انا اختار الاتي :-
الفلوس - مامعييش فلوس
الأصدقاء مطلعين عنيا الاتنين
الشغل وحش
الوطن، احساس بالغربة فظيييييييييع بقالي بره مصر سنتين متصلين ومش عارف ارجع امتي وازاي
مشاكلي الشخصية لاتنتهي كل يوم حوار وفيلم
وهكذا انا بختار بعض من دول
بجد بجد بجد هي حاجة تفقع الي ميتفقعش اصلا بس بصراحة مش عارف ايه هو الحل لاني لو هحلها بوجه نظري يبقي اشتغل في حته مفيهاش حد غيري وافضل قاعد فيها لوحدي احسنلي بجد مش عارف
كل دا يهون يا دكتور زين
لكن انك تكون محبوس جوه نفسك وماتقدرش تملك حق الحياه او الحريه انك تعرف تتنفس هى دى المشكله او ان يكون وطنك هو السجن دى كمان مشكله
او ان يتحسب عليك سنين طويله ماعشتهاش دى برده مشكله
والله دى مش رفاهية لو كل واحد متصالح مع نفسه هتهون عليه حجات كتير وهيقبل حجات كتير ويتعايش مع كل الاشياء
وصباح الورد
اشرقت
بم..تك..تم
العزيزه نبضات
أولا وقبل كلش ئ باتمنى ليكي كل النجاح في الدراسات العليا واوعي تيأسي أو تخافي أو تتراجعي
ثانيا شكرا عالى التعليق الثقافي
رابعا وطبعا مافيش ثالثا أنا عارف إن أكثر مشاكل البنت بتبقى مع الأب والإخوة الذكور وهناك اعتبارات لمشاكل أخرى واحنا لسه مجتمع ذكوري غبي
عموما ممكن ده يكون مطلوب أحيانا ولكن ليس كل الوقت
أخيرا صورة البوست
هناك علاقة سيريالية بين الضيق والشرابات، معلش هانبسطها شوية لو انت شميتي ريحة شراب وحشة مش بتضايقي.. عشان كده بنغسله وننشره ونثبته على الحبل
المضايقات برضه ريحتها وحشة محتاجين نغسلها وننشرها ونثبتها على الحب عل وعسى..يعني م الآخر نواجهها
صباح الفل
عاوووو أسد الصحراء الجميل
نورت ياعمونا
وتعليقك اللطيف
وكل حاجه بتضايق مش كده
أنا كمان مفقوع معاك
قشطات
ونورت مرة تانية
إيه النور ده كله
السيده الجميلة إشراقات
نفسك هي وطنك
وطنك هو سجنك
سجنك هو قلبك
قلبك هو تعبك
تعبك مالوش حلول
ده من واقع كلماتك صباح الفل وقشطات على كلام الجميل
ليه بس كده يا دكتور ذين ليه بس تعبى ملهوش حلول انا بدات احل فيه كونى افرجت عن كل ما كتبت من سنين طويله دا فى حد زاته حلول
انا زمان كنت بخجل اورى للناس الى بكتبه عشان هو نفسى انا مكنتش عايزه حد يشفنى شكرا على تعليقك على مدونتى المتواضعه جدا وكلها من كتاباتى وارجو دوام المتابعه
وشكرا
العزيزة إشراقات
فهمت أنك فهمتي كلمة حلول ومفردها حل أو إجابة
وهذا ليس صحيحا
إنما كلمة حلول هنا تعني أن يخرج التعب من جسدك إلى جسد آخر، بمعنى أن تعبك تحتملينه أنت فقط وليس أحدا آخر..الإجابات لديكي أنت فقط، وأنت فقط التي تستطيعين مواجهة كل مشاكلك، والشعر المكتوب على مدونتك جميل للغاية، جميل بشكل عميق..لهذا تسائلت فقط، فأنا أعرف عشرات الأدباء الذين يملكون تلك الموهبة الفذة ومع ذلك يأكلهم أسفلت الشوارع..إنطلقي واكتبي ياصديقتي كما يحلو لك..فالحياة تستحق منك أن تهبيها موهبتك الجميلة
ونحن نستحق -بيتهيألي- أن نستمع في انصات قدسي قصائدك الجميلة
نورتيني
صباح الفل
ازيك يادكتور؟
اولا مش دى كل الاسباب اللى ممكن تخلى الواحد متضايق
(ومتضايق)
كلمة بسيطة بالنسبة للى الناس بتمر بيه وبتحسه
علماء علم النفس بيقولوا ان مرض الاكتئاب النفسى هيتربع على عرش الامراض فى العالم كله بحلول سنة 2020
يبقى الازمة دلوقتى مش ايه اللى مضايقك؟
الازمة هى ازاى تتكيف مع كل شىء حتى المشاكل
يعنى ازاى تعدى الازمة وتعدى اللى مضايقك
دا رأيى
على فكرة حكاية الوطن والانتماء والكلام ده ماعادش ليه لازمة
الناس غرقانة فى الجوع والفقر والهم لدرجة شاغلاها حتى عن انها تبص لنفسها فى المراية ، هتفكر فى الانتماء والمواطنة وما الى ذلك؟
مااعتقدش
على فكرة كمان
مبروك لتسابيح وعقبال البكالريوس ان شاءالله فى حياتك
سلام
ايه الحل
ارسم دايرة بالطباشير الابيض
عند حدها بالضبط ادبح ضفدعه يتمية هتعدي لعالم تاني في انت انت العظيمة كلها متجسدة كبشر وحد واحد بس هتختار تعيشه في جزيرة على المحيط غمض عينك كده حواليك اشجار جوز الهند من كل حته
كوخ جميل صوت الموج والبحر والرمل وانت وحبيبك فتح بقى صباح الفل
الأستاذه عين ضيقه
صباح الفل
أولا خطوه عزيزه من زمان ماتقابلناش،وبعدين تعالي هنا إنتي داخله في شمال ليه كده، مع احترامي الكامل ليكي وللمعلومة اللي ذكرتيها، أعتقد إني ذكرت أول حاجه هي إيه الل مضايقك (إنت) يعني أول كلمه خاصة بالذات والتوافق معها، يبقى ماقلتيش حاجه جديده، تاني حاجه مين قالك إن مافيش ناس بقت تفكر في الانتماء أمال الناس اللي بتهاجر وتموت في البحر دي إيه واللي بيبيعوا اللي وراهم وقدامهم دول إيه، وعصام الحضري وميدو وزيدان دول إيه، ماحدش بيفكر صحيح في الانتماء بشكل مباشر، لكن ماعادش الوطن له لازمة ولامؤاخذه..
وبراحتك طبعا تعتقدي ولاماتعتقديش..
..خالص محبتي برضه رغم إنه يبان إن إحنا شادين في الكلام بس ده مش حقيقي..
..
كمان الآنسه تسابيح بتبعتلك تحياتها يامس وبتقولك الله يبارك فيكي وعقبال أولادك
..
صباحك سعيد
كراكيب نهى محمود
دائرة الطباشير القوقازية
ومجنونة حمدي أبو جليل
ل\رجة إنك نزلتي كل أغلفة الروايات اللي في ميريت ومنها غلاف الفاعل مرتين وأزحتيني جانبا، ولايهمك، المهم دائرة الطباشير..مازالت موجوده
خالص محبتي
دكتوري العزيز زين عبد الهادي
اعتقد انه يمكن أن يكون عنوان المداخلة "فيه حد مضايق" لان ده الانسب للواقع الي احنا عايشينة واقع زي الفل العيش في الافران و الشغل علي ودنه و الناس بتضحك واحنا دولة متقدمة و رايتنا في السما و كل شي زي الفل الكلمة الي علي طول بتسمعها "زي الفل" فل ايه بس و بتاع ايه قول زي الطين ربنا يتولانا برحمته الواحد جواه كلام كتير بس لو الكلام بيجيب فايدة كان الواحد بقي بغبغان
تحياتي و تمنياتي القلبية
الاكتئاب يا جماعة دا مرض نفسي له علاج عند طبيب نفساني أو معالج نفسي لكن اللى إحنا حاسين بيه دا مش مرض الاكتئاب دى بداية و تمهيد لمرض الاكتئاب المرض النفسي المعروف لكن دا كله اسمه إرهاق نفسي زهق خمول ملل برود مقدمات للمرض
أنا شايف ودى وجهة نظري أن الحل في كتاب الله عز و جل فهو حبل الله المتين و هو زى الكتالوج لكل جهاز كما قال الشيخ الشعراوي
فلنصبر و نتفائل قليلا في مستقبل أفضل مهما واجهتنا الصعاب
و الأمر في أيدينا نحن .. نحن نصنع أنفسنا بأنفسنا
زى ما قلت يا دكتور زين في أول المدونة
الحياة لا تهبك ما لديها الحياة تهبك ما لديك واخد بالك ما لديك
إلى أن نلتقي إن شاء الله
السلام عليكم
الشعور بالضيق فى حياتنا اليومين دول جاى من طرق كتير اوى كل لما تخلص طريق تلاقى طريق ،ويمكن المتعة فى حياتنا من الطرق دى يمكن لو حياتنا سهلة كانت تبقى اصعب عموما الحل بايدينا احناااا
وكلة بيهون وبيعدى
هو فى حاجات كتير بتضايق
بس فى حاجات منقدرش نساغنى عنها
الوطن و الاصدقاء و العائلة حتى لو كانوا مضيقينا
و فى حاجات ملناش يد فيها زى ...
علشان كده لازم نخلى التضايق وقتى و نكمل و نتعايش معاها
بس بجدالموضوع حلو جدا
يووووووووه
كلهم يا دكتور كلهم
العيش
و العيشة
و اللى عايشينها
أنا بفكر نعمل زى وحيد حامد
ما إقترح فى فيلم النوم فى العسل
كلنا نقول آآآه
بصوت عالى قصاد مجلس الشيعب
عشان نرتاااااح
بس لو عكشونى أخواننا البعدا
و ضيفونى عندهم
أبقوا أسألوا عليا و النبى
و هاتولى عيش
و حلاوة
و نسكافيه
تحياتى يا غالى
اللى دايما ييجى على الجرح
مخاصمنى؟؟؟؟؟
تحياتى لمدونتك الرائعة وأفكارك الحية النابضة وأعد بالمتابعة المستمرة بإذن الله .
هذا العدو الأول أنا .....نفسى تعبانة منها وزعلانة ومضايقة
لانى مقصرة فى حق شغلى ورسالتى
ومش عارفة لية وازاى أدوام على شوية حماس ونشاط ....ولية الواحد بيحس انه بينهج وكأنه مشى مشوار طويل وازاى يترك نقطتين الزيت جانبا زى ما قولتلنا يا دكتور ويركز فى الاولويات
حاسة انى دوشتك بس حضرتك فى حد مش متضايق...................
أنا مضايقة جدا
ومبسوطة بكلامك اللى خلنى أعمل وقفة مع نفسى النهاردة...بس يارب استمر
تحياتى وتقديرى
تحياتي لجميع الأحبه
هذا البوست موجود هنا حتى اشعار آخر
++++++++++++++++++++++++++++++أخصائي مفروس (بالمناسبة يعني إيه أخصائي معلومات..أنا مش فاهم)
المهم ربنا معاك ويقدرك على دفع الأذى وغماطة اللثام عن الجوهر الحقيق لأي حاجه
خالص محبتي
العزيز ثروت
أتمنى تكون بخير ودبي والإمارات والدويقة وكله تمام
صباح الانتماء..
كلمة حق
نورتي الدار وأهل الدار
ومين طيب اللي مش متضايق
حد يشاورلي عليه أعرف منه المعادلة السحرية للسعادة اتلأبدية
خالص محبتي
وإيه اللي مابيهونش..
على رأيك كله يهون!
منى
مش صحيح يامنى
فيه حاجات
وفيه حاجات
بس من كتر الحاجات
مابقيناش عاوزين حاجات
ولازم نخاف على الحاجات
أحسن لما نصحى مانلاقيش الحاجات
منى بكرى مأثرة فيه في شوية حاجات
خالص محبتي
طم طم
أنا كنت هاكتب اجحابه جماعية لاحساسي بالضيق
لما لقيتك ضربت تعظيم سلام لأجمل أم في الدنيا
وقلت خللي الليلة تعدي
يووووووه مش كده
كتير
حاجه تقرف وتعل
واللي زاد وغطى مش اللي بره بقى اللي حواليكي ومن دمك ولجمك
عموما
الدم بقى ميه
نورتي ياغاليه
دودا
انا اقدر
بس ماكنتش فاهم
ولما فكرت قلت يمكن قصدها اني ماعرضتش عليها اجيب لها نسخة من الرواية
ده السبب الوحيد لأن مافيش حاجه تاني
عموما اعتذر عن الخطأ غير المقصور
واذا كان ده هو السبب ففيه نسخ موجوده ليكي ولكل الصدقاء في دار ميريت يروح ياخدها ويسيب بس اسمه.. لأول عشر أصدقاء على أن أبدأ بكي
عشان تعرفي اني ماليش في البخل
خالص محبتي
أمونه
احساسك عادي وطبيعي
لأن كل واحد ليه طاقه برضه
ماتقلقيش هاتعدي
وبعدين مفاجأة نبضات دي حكاية
خللي بالك من دماغك ياأمونة
خالص محبتي
ا.ايهاب رضوان
ربنا يخليك ونورت ياأستاذ
تحياتي
Post a Comment