June 14, 2008

أصدقائي الخونة



هل يمكن أن يكون اصدقاؤك خونة
أصدقاؤك من البشر والأشياء
ألا تعتقد أن أشد أعداؤك ضراوة هم من كانوا أصدقاؤك يوما
ألا تعتقد معي أنك ممكن أن تنام ملئ جفونك إذا كان خلافك مع أعداء طبيعيين
ولن تنام أبدا إذا كان خلافك مع أصدقاء سابقين
ألا تعتقد مثلا أن الأشياء التي أحببتها يمكن أن تتحالف ضدك يوما ما
سيارتك إذا قامت بحادث
ورقة كتبت عليها بعض شئونك الخصوصية ووقعت في يد أعدائك
الورقة كانت صديقتك يوما ما
هل هناك حل لأن يكون أصدقاؤك هم أصدقاء أبديين
وليسوا أبدا
أصدقاءك الخونة؟

35 comments:

tharwat said...

دكتور زين أتيت لي في حلم منذ فترة قصيرة جدا كنت تأكل و فجأة توقفت و تأملت شيئا ثم ساد صمت رهيب و كأنك تفكر فحاولت أن أكسر حاجز الصمت المطبق على الموقف و سألتك فقلت لي كلمات أتذكر أن فحواها قريب من مشكلة الصداقة و الخيانة
توافق لعله خير
احذر عدوك مرة وصديقك ألف مرة فلربما انقلب الصديق فكان أعلم بالمضرة
اللهم قني شر أصدقائي أما أعدائي فأنا كفيل بهم ...
سلام على الدنيا إذا لم يكن بها صديق صدوق صادق الوعد منصفا
تحياتي دائما أبدا

fawest said...

ممكن جدا ان يتحول أصدقائك الى خونه

هناك دائما جانب الشر فى كل أنسان
الذكاء ان تحاول ان تتجنبه
مثلا
لى صديق من أصول بدويه

أحرص دائما على ان لا أخلف ميعادى معه
لأنه- البدوى - إذا لم يقبل عذرك ، يعتبر غلطتك الاولى هى الاخيره

وصديقه أخرى إذا لم يتضمن كلامك معها إعجاب بجمالها لو حتى ملحوظه صغيره
أعرف أنها ستنقلب عليك وتصبح خائنه بالمعنى المجازى

هى حياه متعبه تلك التى أصفها فى علاقتى بهم، ولكن يبقى أنهم ليسوا أصدقائى، مجرد زملاء

أصدقائى بجد، مَن أضع روحى وعقلى وأفكارى بين أيديهم ولا أخف
هؤلاء موجودون، ويختبرون بالعشره والمواقف اللى يقف فيها ميت راجل
ولايسد غيرهم

حتى لو واحد فقط
يكفى

إيمان said...

أن يفقد الانسان الثقة...الأمان
أن يراجع كلماته وينتقيها
أن يكون له أربعة أعين شىء صعب
ومميت وغير محتملة
أعتقد أن هناك معادلة مريحة
أن نجتهد ونخلص لمن نحبهم
ونغفر إن أمكن
خطأهم فى حقنا
وإن غدروا يكفينا أن لنا قلب
يحب ولم نكن من الغادرين
وليك تاج عندى يا دكتور عن
عن خمسة أحلام فى الماضى كنت بتحلمهم وخمسة أحلام فى المستقبل وشخصين موجودين فى حياتك وكنت تتمنى وجودهم فى حياتك وشخصين غير متواجدين وتتمنى وجودهم
فى حياتك
ومشتاقين لاجاباتك

نبضات said...

صباح معطر بالورد والياسمين
بصراحه كلماتى عاجزه عن وصف مقدار سعادتى واستمتاعى واستفادتى ..لرؤيه حضرتك وسماع كلماتك وأتمنى أن تكون مفاجاه سعيده لانى كنت محرجه جداأن أكون فضوليه بحضورى ونسيت استاذن حضرتك قبل الجلوس لكن قضيت وقت جميل جدا وتعلمت من كلام حضرتك كتير وتمنيت أن أكون طالبه من طلابك عشان اقدر استمتع واستفيد من كلماتك اكثر
التى هيا دائما عميقه ومختلفه ورائعه سواء فى التدوين او فى الواقع
وكان نفسى اتكلم مع حضرتك كتير
سعيده جدا برؤية حضرتك على ارض الواقع و وبصادقتنا الافتراضيه فى عالم التدوين
----------------------------------
أصدقائى الخونة

اعتقد أن الاصدقاء مش بيتحولوا إلى خونه ولكن ...نحن من نرسم لهم صوره فى خيالنا غير الواقع أو بعد مابنتهى من رسم صوره لهم بنكتشف انها مختلفه عن الواقع اما.. لانهم بيكونوا قادرين على خداعنا ولبس اوجه غير وجههم الحقيقى.. أو لاننا بنكون عاوزين نرسم لهم الصوره اللى احنا عاوزينها وبنتغاضى كتير على حاجات ممكن تكون مؤشرات عن حقيقتهم عشان بنحبهم

فهم لا يتحولون ولكن قصور نظرنا لهم مايشعرنا انهم تحولوا ولكن دى حقيقتهم التى لانعرفها

والخيانه تجدها فى البشر فقط ...لان كل شىء فى الحياه تخلص له لازم يديك وإذا شعرت انه لم يعطيك بيكون السبب خطأ فى الشخص نفسه

وقد ايه بيكون احساس الانسان بالالم لما تكون الخيانه عن طريق صديقه وليس اى حد أخر لذلك.. لازم نعرف نختار من نسمح لهم بدخول حياتنا ونفسح لهم مكان كبير فى قلوبنا اكبر من علاقه الزماله والعلاقات الهامشيه فى حياتنا ونحاول ان نرسم فى خيالنا الصوره الحقيقيه للبشر حولنا حتى نستطيع ان نقى انفسنا الللللللللام الخيانه

تحياتى
سعيده بمعرفتى بشخصك الجميل فى التدوين
وعلى ارض الواقع
وشاهد وحيد على حياه لايعرفها احد

dodda said...

اكيد فى حلول
اولا الاختيار
وثانيا الاختبار


والا يبقى فاضل
الانتحار اوالانفجار

!!!

فاتيما said...

إحذر عدوك مرة
و صديقك ألف مرة
فلربما أنقلب الصديق
فكان أعلم بالمضرة
هذه حقيقة لا جدال فيها يا دكتور
بس الحقيقة الأكثر وضوحا
إننا نعلم مكمن الخطر
و مع هذا لا نكف أبداً عن البوح لصديق
مهما كانت العواقب
موش عارفة قصدك هم عام
و لا دا ناتج عن حادث أليم
بس فى كل الأحوال
أتمنى لك كل خير فى الدنيا
التى لا يمكن للأسف
أن نحياها بدون أصدقاء
و أقصى ما يمكننا أن
نفعل وقت الغدر
هو
أن نشيح بوجهنا بعيداً
كى لا نراهم
و هم يغرسون النصل
تحياتى يا غالى

كراكيب نـهـى مـحمود said...

من اللحظة الأولى لبداية قراءاتي كلماتك استحوذ على ذهني ان خلايا الجسد الصديقة المتعاونة قد تخوننا
تتحول لمرض مميت - خلايا الجسد تتوحش فما بالك بالأصدقاء - نحن نفسنا نخون ذواتنا كثيرا نتنازل ربما
نتظاهر باشياء ليس من الحقيقة بشئ د0 زين نحن كائنات شريرة بالفطرة
هل اجبت على سؤالك لا اعرف
لكني اصدق ان دوما لنا اصدقاء رائعيين

Anonymous said...

لى اصدقاء جدد اتمنى ان اراهم دائما لكن المسافات تفصل بيننا كثيرا لكن الكلمة والحرف يجمعونا تانى
صحيح ليس هناك حميمية بعد لكن كلماتهم تؤثر فى بشدة واعتبرهم قريبين من قلبى اولهم سهى ونهى وطه
حقيقى انا سعيدة اننى اعرفهم رغم اننا لم نرى بعض على الاطلاق
ولا اظنهم قد ينقلبوا الى اعداء لان ما يكتبونه غير عادى قد لا يكون مثاليا ولكنه يمس القلب
لذلك ليس كل زميل صديق
الصداقة كالحب الصادق نادر فى تواجده
تحياتى
اميمة

عين ضيقة said...

انا معاك ان ممكن اصدقائك يبقى اعداء فى يوم بس التحول ده مؤكد انت هتكون سبب ليه او احد اسبابه

وممكن كمان يبقى اصدقاء ابديين ومش خونة ..........حب الناس هتحبك والله

مش ملاحظ انك بتفقد ايمانك بحاجات كتير اليومين دول؟

ــــــــــــــــــ
ع الهامش بقى

اسم زين احلى من ابوللو
ولما ترد عليا .. ماتخشش فيا شمال والنبى علشان الناس فاكرينا بنتخانق

ــــــــــــــــــــ
تانى للبوست
على فكرة الاختيار الأول محور فى العلاقة
يعنى كل بيرجعلك أولا وأخيرا


تحياتى بقى قبل ماتدينى على دماغى
ههههههههههههههه

mona said...

هو ممكن يكون الاصدقاء خونة
بس عندما تحسن فى اختيار الصديق و يكون عون لك لا اعتقد مهما اختلفت الظروف انه ممكن يتحول الى خائن


فالمثل يقول اختار الصديق قبل الطريق
يعنى عند حسن الاختيار لا يوجد قلق فى ان يتحول الى خائن

MKSARAT - SAYED SAAD said...

بوب وحشتني جدا
هشوفك امتى

اصدقاؤك الخونه هم انياب مختفيه لا تراها الا وهي تفترسك فقط ولن تنفع الفراسه في اكتشاف ذلك
صدق عمر عندما قال
اللهم اكفني شر اصدقائي وانا كفيل باعدائي
تقبل تحياتي
سيد سعد

Desart Lion said...

فعلا يا دكتور ممكن يتحول الاصدفاء لخونة
ودايما ساعتها مبيكونش جوة العقل الا سؤال واحد

ليه يخونك العيش والملح...؟؟؟
والامر من ذلك الاحساس بالانكسار والضيق والغيظ اللي بيبقي مصاحب لاكتشاف الخيانة والي بيكون مخفف لده شوية القدرة علي التسامح وقبول الاخرين كما هم لا كما نريد نحن بس للاسف وهو في حد هيكتشف ان اصدقائة خونة ويقبلهم كما هم صعبة دي شويتين

انا عن نفسي لما بكتشف ما بيبقاش عندي غير حل واحد

"" بقلع الي في رجلي وادي علي الدماغ""

hamsaa said...

اولا : لك وحشه كبيييييييييييييييييييييييييييييرة جدا ومصر من غيرك وحشة خالص - طبعا انا عارفة ان اول حاجة لما تنزل مصر هتعملها انك هتدبحني صح لكن طالما انك اتكلمت عن خيانة الاصدقاء فانا يا سيدي محرمتكش من السؤال عليك خالص ودة معناه الوفاء-
شوف الخيانة معني صعب جدا يجعل الانسان يشعر بانه كالطائر المذبوح والذي قد فقد الاحساس بالامان متي غرس في قلبه سكين حاد من اقرب الناس اليه ممن كانوا يرعونه ويعلمون ما بداخله والاصعب جدا انها تكون من الحبايب صعب جدا ان يتحمل احد الاحساس بالخيانة لما يترتب عليها من احساس بعدم الامان ومن فقدان للثقة او تزعزعها لكن احيانا بنكون محتاجين شكه الغدر علشان نعرف مين معانا ومين علينا واعتقد ان درجة الغدر والخيانة بتزول لاننا بنكتشف اننا لم نحسن اختيار الاصدقاء وان ما بداخلنا لهم لم يكونوا جديرين به تماما
الاشياء اعتقد انها وفية جدا لدرجة مش ممكن الواحد يتخيلها حتي لو خانتنا وضاعت او فقدناه فبنحزن عليها افتكر اني في يوم ضاع مني الخاتم بتاعي وقلبتها مناحة الكل يقولي معلش مش مهم وانا حزينة لاني كنت بحبه وحسه ان ما بينا عشرة ومشاركة مزعلتش انه خاني ووقع وضاع لكن زعلت لانه مش هيكون معايا ولما لقيته كنت مبسوطة جدا ووفاء مني ليه مش عايزة اغيره او افرط فيه استثني من الاشياء
شنطتي اللي باظت سوستتها يوم ندوة رواياتك بصراحة حسيت انها غبية وغدارة جدا يعني انا مستاذنه من الشغل بدري علشان اجهز للندوة تقوم
حالفة ما تقفل واضطر انزل اشتري غيرها
يومها الشمس ما رحمتنيش ومن يومها وانا حالفة ما امسكها خالص
ربنا يجعل حياتها كلها وفاء في وفاء ويبعد عنك كل سوء
همسه حب

hamsaa said...

صباح الخير

انا قريت التعليقات جميلة جدا لكن وقفت امام تعليق عين ضيقة اصله عجبني جدا وفكرت اني اعلق عليه جدا وبالذات ان عين ضيقة اصلا بتعجبني ممكن تديني فرصتي ارجوك
اديني المايك ومتقلقش انا حبيت اقولها انك مش بتدخل في الناس شمال لا انت ذي ما بتقول ليلي مراد لو قلنا لا يعني نعم يعني لما بتدخل في حد شمال بتكون بتعزه جدا وكمان بيكون معناه انه عزيز عليك لكن الكلام بيكون شكله العكس . لكن الناس دايما بتفهم انك بتتخانق مع اللي بتكلمه لكن دة مش بيكون صح خالص
وكمان انك بتحب تعاكس الناس اللي بتحبهم واضم صوتي لصوتها واقولها ان اسم زين احلي واني قلت كدة برضه بس في ناس مش بتسمع الكلام - انت عارف الناس دول - وكمان انك طيب وامير ومش بتزعل حد ولما بتزعله بتعتذر علي طول
انت بتفكرني باغنية مدحت صالح في تتر مسلسل عباس الابيض لما بيقول "معقوله في حد النهاردة في الدنيا ذي الاخ" يعني مفيش حد في طيبته وكمان بتفكرني باغنية مسلسل سارة الجزء اللي بتقول فيه" كان ياما كان فيه كان في عصفور قلبه صغير ريشه قصير حلمه يرفرف بره السور كان انسان من طين من نور كان بيدور علي اللي يخضر قلب الناس الاسي البور
اهو انت كدة ذي العصفور الصغير دة بالضبط بطبته وحبه للناس
المايك معاك تحب تقول اي حاجة
همسه حب

نبضات said...

مفتقدين ردودك على التعليقات وكلماتك الجميله ووجودك فى عالم التدوين اتمنى مش تتاخر علينا كتير
وعندى احساس عميق ان حضرتك مش حترد على تعليقات هذا البوست بس يارب تخيب ظنونى

فى انتظار الردود..عند عوده حضرتك بالسلامه والتدوين مظلم من غيرك يادكتور

تحياتى
بوم بوم تك بوم بوم تك

_ زين_ said...

ثروت
وكمان باجيلك في الحلم
هي ناقصاني؟
صباح الفل يابو الثروات
خللي بالك من جيبك وقلبك
الصداقه حلوه برضه مهما كان فيها
تحياتي

_ زين_ said...

فاوست
كل مادور في أصدقائك ألاقي كتير خانوك
ولا يهمك
الخيانة شئ طبيعي لأننا بشر
صباح البشر يابشرية
نورت يازعيم

_ زين_ said...

أمونه
هاجاوب تاني
حاضر هادخل كده عندك واشوف واعتذر عن التأخير بسبب وجودي خارج القطر
يعني غيه قطر صحيح؟
صباح الفل

_ زين_ said...

تم تك بم
نورتيني والله ياقمر
وانت في التدوين والوقع جميلة وحبوبة وخفيفة الظل والمعشر
الخونة بطلت أفكر فيهم شخصيا من زمان قوي
لأني الوحيد الباقي من أصدقائي
فهمتي حاجه؟
أهلا بيكي دايما في التدوين وفي الواقع أهو دعوة مفتوحة
صباح الفل

_ زين_ said...

دو دا
انتحار ايه بس بعد الشر
طب انا بافضفض ببقين تقوليلي الانتحار وكله جاهز
المشبك
والكتاب
زي ماقلتلك بالضبط
صباحك جميل وسلمي على أولادك

_ زين_ said...

الغالية طمطم
أعتذر ياقبطان عن التأخير في الرد لأننها بيقولوا مهمين حبتين
النصل
أليس كذلك
فكرتيني بالوطواط وهو بينضرب في الضلمة ونصل الخنجر بيلمع
إنتي مخرجة مافيش ليكي زي
وصباح النص
إلا هو كلمة نصل جاية منين؟
وربنا وحشتيني ووحشني كلامك
تحياتي ليكي ياغالية ولجو

_ زين_ said...

الجميلة نهنوه
وحشتيني والله يابنت
عايز أعدي على التكعيبه فجأة
بس خايف من الخونة
على العموم هاأعدي ومستني النصل اللي في الظلام على رأي طمطم
صباحك جميل دائما ياأحلى مدونة مصرية
مش عايز حاد يزعل

_ زين_ said...

أميمة عز الدين
كل شئ نادر ياأميمة
الأصدقاء
والخونة
ومش عار فلك سكه أروحلك فيها
انتي ليكي مدونة ولا لسة هاتخترعي واحدة
نورتيني جدا
صباحك جميل

_ زين_ said...

عيييين
ضيقاااه
اننتي بتقولي لي أنا بتفقد إيمانك؟
هازولات
الليلة دي مش هاتعدي على خير
..
عموما تعدي المره دي علشان خاطرك
وحشتيني جدا
وأنا ماقدرش أعمل كده اللي بيحب حد بيناغشه بس ونزولا على رأيك هارجع زين بلاها نادية
خلينا في سوسو
نورتي ونورتيني بحكمتك ووحشني شعرك ولغتك العربية
خالص محبتي
وصباحك نوراني

_ زين_ said...

مونا
هم كل الأصدقاء الحقيقييين مش ممكن يبقوا خونه بس تصدقي إنه حصل لأننا بنعتقد إن الناس اللي عرفناهم في وقت معين مش هايتغيروا بس القاعدة البيولوجية بتقول الناس بتتغير بالكامل كل بضعة سنين
والقاعده الحكيمة بتقول
لايمكن لك أن تنزل النهر مرتين\فكري واربطي
صباحك جميل

_ زين_ said...

سيد بيه عرب شبرا والمحمدي
نورت يافنان
لوحاتك بتقدم شخصية تانية خالص استمر وعليك بالإخلاص الكامل لما تفعل
فلا نتائج حقيقية دون إخلاص حقيقي
نورتني ياعرب

_ زين_ said...

عااااااااااااااو
أسد الصحراء
نورت يازعيم الغابة
فيه شوية أصدقاء عاوز أتخلص منهم ممكن أبعتهوملك عضتين على بيت الكلاوي ونخلص
هاأعدي عليك
صباحك جميل

_ زين_ said...

هشششششششش
همسه بتتكلم
وحشتيني إنتي أكتر وكل نصايحك هاعمل بيها
واعذريني بسبب عدم الرد لتأخري طويلا بالخارج
فيه حاجات خليتها لنفسي ماينفعش يقراها الملأ
بالمناسبة كلمة ملأ جايه منين
تحياتي ومحبتي
صباحك قشطة

_ زين_ said...

بوم تك تك بوم
طاااااخ
ياباشا انت تؤمر وطلباتك حالا هاتوصل وثقي إني ماقدرش انكم تطلبوا حاجه وماعملهاش الحب ده حاجه إلهية مالهاش علاقة بالرؤية أو الكتابه
وللمرة الثالثة أعتذر عن التأخر لأني كنت في تركيا وبأجهزلكم شوية صور عنها
وأديني رديت ولسه هاأعدي عليكي
صباحك جميل

هويدا صالح / عشق البنات said...

دماء أبوللو لساها مغرقة إيديا يا دكتور
أنت فين ؟
فيه موعد من أسابيع ولا نسيت
مش هقولك الأخبار الجديدة غير لما تتصل أو تيجي
عنوان بيتنا زي ما كان
والتليفونات كمان ..
مساك فل

Anonymous said...

يشرفنى بجد قراءة ما تكتبه يا دكتور زين ويمكنك معرفتى عن طريق الصديقة الغاليه سهى زكى فهى التى عرفتنى طريق المدونات الرائعة وهى فاعلة خير حقيقية ومعها روايتى الاولى الحرير المخملى والتى عن طريقها عرفت الصديقة نهى محمود الجميلة صاحبة كراكيب وكذلك الرائع فاوست
حقيقة اتمنى يوما ان اقابلهم ذات يوم وان اتشرف بمعرفتك يا دكتور زين
اتمنى ان تصلك روايتى المتواضعة من اصدقائى الجدد
مع خالص تحياتى واحترامى
اميمة

بارانويا said...

أشتم من بين كلماتك استعدادا للخيانة والمعاداة لا أعرف مصادرهم

يبدو أنك تقرأ كثيرا
ولكن أمامك الكثير والكثير لتنتقل من المرحلة الابتدائية للكتابة

لا أعلم ان كانت لديك الجرأة لنشر تعليقى

اشك..

_ زين_ said...

العزيزة والكاتبة الجميلة أميمة
اعتذر عن عدم معرفتي المسبقة ولكني سمعت بالطبع عن روايتك وإن لم أحظ بقرائتها أو بالتعرف عليكي
وكم يسعدني قرائتها والتعرف عليك بشكل أكبر، والشكر للساحرة الشمطاء سهى زكي حبيبة قلبي على إنها السبب في كوارث كثيرة فلها كل الحب من قبل ومن بعد
خالص محبتي

_ زين_ said...

انفصام بلا مبرر
أو في قول آخر بارانويا
طبعا قريت عن غزواتك لبلوجات الآخرين
يبدو أننا نوعية واحدة
ولن نستريح مع بعض
لذا أرجو عدم إزعاجي مرة أخرى، يمكنك الدخول مرة أخرى شرط أن تنحني لصاحب الدار

هويدا صالح / عشق البنات said...

صباح الخير يا دكتور زين
ادخل الرابط ده \
واعمل الواجب بعد ما تقرأ الموضوع
هتعمل إيه ؟
عارفة انك انت اللي بتدي الواجب
بس جرب تعيد ايام الذكريات والمدرسة من تاني
مستنياك هناك
http://hoaidsaleh.blogspot.com/2008/07/blog-post.html