August 30, 2007

تكنولوجيا النساء العاريات


تحولت ثقافة الجنس عبر السنوات الماضية لدى الشباب من المجلات الملونة وأشهرها طبعا البلاي بوي، حيث كانت تمثل كنوزا سرية لدى شباب الستينيات والسبعينيات، وفي الثمانينات ظهرت أفلام الفيديو – أنا مش متأكد طبعا من الوضع في المجتمع المصري خلال هذه الفترة لأني ماكنتش موجود – وانتشرت بشكل فيروسي وبكتيري وارتبطت بالحصول على فيديو لمشاهدتها سواء عن طريق الملكية أو تأجيره، كلنا طبعا شوفنا فيلم "فيلم فيديو" وكان جامد، وفي التسعينيات بدأت تظهر السي دي وأعقبتها شبكة الإنترنت للحصول على تلك المتعة بشكل أو بآخر، ولما المسألة ماعادش نافع فيها الكلام - الناشف - لامؤاخذه، تحول المجتمع كله إلى الزواج العرفي للبنات والشباب، وأصبحت مسألة مثل المجلات أو الأفلام الفيديو او السي دي متروكة للصبية في سن العاشرة والحادية عشرة، ولاأدري طبعا عن الموقف بالنسبة للبنات، وهل كن يختلفن عن الشباب أم لا؟، إنما هذا كان واقع الحال، ولاأدري في الألفية الجديدة ومابعدها مالذي يمكن أن يحدث، إلى هنا والمسألة قد تبدو عادية، غير العادي الآن أنه أصبح بإمكان الصبية أيضا الزواج العرفي وغير العرفي، ويمكنكم بعد التجول في بعض القرى والأماكن المعتمة من التعرف على مايحدث.
أي أن هناك تداول متسارع لثقافة الجنس كلما اتجهنا للأصغر سنا وبشكل أصبح يفوق أي احصاءات أو اسقاطات تنبؤية، وهنا قد أتوقف وأتسائل، مالذي سيحدث بعد ذلك؟ ولايمكنني تحديد إجابة بعينها، مش عارف يعني هاييجي يوم ألاقي عيل بيرضع بيقول أنا عايز أتجوز عرفي!! ..!!

22 comments:

Anonymous said...

صباح الخير:

انا مش عايزة اقولك اني اتفزعت لما شفت الصورة - لك ما علينا طالما بتخدم المعني .

مجتمعنا اصبح مجتمع جنسي من الدرجة الاولي و هذا هو الجزء الاول من الاجابة على تساؤلك حول حال المجتمع الان فستجد الجنس يبتسم لك في كل مكان بدءا بالمليكان في محلات الملابس و بصفة خاصة ملابس النوم الخاصة بالنساء ومرورا بما ترتدية البنات فما يرتدينه الان اقرب لملابس النوم التى تشف و لا تستر الا القليل- هناك يوم سياتي سنبحث عن ورقة التوت التى فقدناه و لا نجدها-
واذا كنت بالمنزل ستجد تصوير الكليبات و فتيات الاعلانات حتي كلمات الاغاني قد قرات ذات مرة تفسير كلمات الاغاني و ايحاءاتها كتبها صحفي في احدي المجلات ووجدتها جنسية جدا حتي كلمات اغاني محمد منير اتذكر اغنية : خايف اوعدك مااوفيش اقولك فيه تلاقي مفيش و خايف تبقي بردانه اغطيكي باحساسي متدفيش و طبعا اغنية العنب و ايظنوا "و ابقي تعالي بالليل"
و غيرها و طبعا الافلام التى تكشف كل شىء و افيشات الافلام و المسرحيات و ملابس ضيوف البرامج . و عندما تقرا ستجد احداث الروايات و الصور بها ومواقع الانترنت و الجرائد فالنطاق اصبح اوسع لذلك لسنا في حاجة الى مجلات فالجنس كما كتبت في التساهيل يخرج لنا لسانة طوال الوقت . بالنسبة للبنات فاعتقد فالموضوع مختلف البنات لا تهوي القراءة او النظر او غيره و لكن شغفها يتطلع دائما الى معرفة ما لا تعلمه في عالم خفي عليها و بصفة خاصة عندما تجد كلمات لا تفهمها او احاديث خافتة فتتحدث الى صديقتها عن معني شىء او عن احاديث اخري و ايضا تهوي التقليد ان تلبس مثل فلانة او تفعل مثلها فقط و اعتقد ان ما يزيد عن ذلك فلا يليق بحياءها .و فيه و فيه طبعا لكن اعتقد ان الامر يقف عن هذا الحد .
اما الزواج العرفي فليس الحل الذي يلجا اليه الكثيرون الامور بقت اسهل كتير اكثر مما تتخيل عارف كنت فرح الاسبوع الماضي و كان هناك خطيب و خطيبته كان طوال الوقت شغال الله ينور و بفتخر بهذا يعني ليس في حاجة الى الزواج
ربنا يستر

تحياتي اليك
همسة حب
ريهام

Anonymous said...

ايه حكاية مش عارف اشكرك ازاي دي ليت الكلمات تعبر ليتها تكون رسولا عن مقدار اعتزازي و احترامي و فوقهم طبعا معزتك عندي

و ليتها تستطيع ان تعطيك حقك انت عارف اني معنديش استوب يعني لو حاجة مش عجباني هقولك لكن الحمد لله كتاباتك رائعة جدا
و كفاية انني وجدت نسمةرائعة تحد من حرارة هذا الصيف و ضغوط الشغل
لو عايز تشكرني اشكرني بانك تكتب و بتنوع كما تعودت منك
مدونتك هايلة بجد و كفاية انها بتجمعنا و بتجمع معانا فيفي و امونة
امونة بتكون جميلة منك لما بتقولها
"ر" فيه بردة اسامي ذي امونة
تحياتي اليك دائما
همسة حب
ريهام

. said...

هههههههههه
ثقافة عارية قصدي عالية
مظنش ان ده حالة كبت للشعب ولا حاجة لا دي حالة عدم تدين وحالة فراغ وحالة سفه وحالة تانية خالص
شكرا لتناولك هذا الموضوع

fawest said...

فى بوست -هو دراسة نقدية- فى مدونة الناقد سيد الوكيل ودة عنوانهاhttp://saidelwakil.maktoobblog.com/
?post=205574
بالنسبة للبنات فمؤكد و دة عن تجاربى معهم ان فية تلصص جنسى على الاخر الذكورى زى الولاد تمام
وبالنسبة الطفال فهنعمل اية فى تطور المجتمعات الزى الزفت دة بس مش بعيد رؤيتك علشان فرويد قال ان عندهم نظرة جنسية للامور ممكن يكون اللى بيقولوا خطأ بس محدش يقدر ينكر تجارب جنسية بحتة بدون وعى قبل البلوغ
بالنسبة المانيكانات و الملبس الحريمى زى ما قالت ريهام انها دليل على تحرر المجتمع على الجنس
دة تفسير باطل لان دة انحطاط جنسى لو حد وقف امام محلات كرينا علشان تثيرة جنسية
نحن نتكلم على شئ ارقى من ذلك على علاقة جنسية غير مقدر ليها الاكتمال لاسباب كثيرة مجتمعية فتنحرف الى علاقات غير سويةانا بتكلم عن النقطة دى بالتحديد علشان مخرجة فيلم دنيا عاوزة توصل الفكرة بتاعت الملبس الحريمى المعروضة فى الشارع إن لية بنخبى علاقاتنا الجنسية طالما بنعرضها فى الشارع ودة مفهوم سطحى للمشكلة و ممكن يهدمها من الاساس فى الفيلم بطولة حنان ترك
العلاقات المرفوضة وهى لاسف متنفس -واسف انى اقول متنفس - هى مشاهدة الافلام البرنو الى اخر الطريق دة وممكن تتحول الى شذوذ وصدق ان اللى بيحصل مع الشباب بيحصل مع الشابات
و الصورة فى البوس غير صادمة على الطلاق فمثلا شوف عدد اخبار الادب القبل الفائت و هم بيتكلموا عن الحمام و الصور الرائعة اللى فية و مش معنى كدة انها جنسية فكروا بحرية اكثر و انتوا هتتخلصوا من الكبت و تحميل اى شئ اللى جنس
ومش معنى كلامى نسيب البنات تلبس الميوهات فى الشارع بس لازم يكون فية فصل فى التفكير مش اى حاجة جنس

fawest said...

يعنى مثلا صعب انى اعتبر اغنية منير فيها أيحائات جنسية
بس مؤكد تعالى بليل ورقصة مى عز الدين هى دعوة صريحة لليلة حمراء
الفرق فى الفن
ودة كالم كبير و كتير و شكرا لاحتمالكم قراة تعليقى للنهاية

fawest said...

إستداك و تصحيح
الفيلم اسمة دنيا مش دينا و اخراج نادين لبكى
مفيش حاجة اسمها علاقات جنسية
اسمها علاقة جنسية واحدة بين الرجل و المرأة
ممكن يكون فى حاجة اسمها اوضاع جنسية

Anonymous said...

تحياتي اليك فوست اولا :
انت نسيت ترد على ما كتبة دكتور زين و علقت على اللي كتبه واكيد دة يسعدني
و تعليق اكيد جميل
لم اذكر ان ما يعرض في محلات الملابس له مفعول مثير جنسيا من الدرجة الاولي و لكنه يؤثر بشكلا اخر الا يتخيل الرجل اثناء مروره هذا الشكل وقد حلت مكانه امراة هناك شكل من اشكال الشذوذ يعرف بادمان ملابس النساء و التعلق بها و اخذه بديل عن المراة فاذا تتبعت اخبار الحوادث التي تنقل لك الكثير من اشكال الشذوذ ستجد علاقة جنسية تجمع بين الرجل و ملابس امراة فقط لغة التخيل اذا صح التعبير و ليس كل الملابس النسائية تثير
و اذا كان لابد لنا ان نحتوي العلاقات الجنسية بشكلا افضل فبدل من ان تجد اشكال ملابس النوم بالشوارع هناك جمعيات تناقش ذلك بشكلا راقي و قد حدث ذلك في مكتبة خالد بن الوليد التابعةلجمعية الرعاية المتكاملة قد تم تناول الجنس و العلاقات الجنسية و كل ما يمكنك ان تتخيله بواسطة اطباء متخصصين و قد تم تناول هذا الموضوع للاطفال من سن 10 الى ما فوق ذلك للبنات و الولاد على حدي اليس ذلك ارقي من تواجد الملابس بشكلا مثير
لو مكنتش الملابس مثيرة مثلما ذكرت لم يتواجد رجل يعشق التقاط صور للنساء من الخلف يعتبر ذلك متعة له ولم يتواجد رجل يشتري مجلات لمجرد رؤية المراة و هي ترتدي هذه الملابس .
ليس كل شىء نعطيه معني الجنس او يفسر كذلك ولكن اذا كان هناك مؤشرات ستجدها في كل مكان الا يدفع هذا الى الوصول الى زروة الجنس نفسه حتي لو مجرد التفكير
الصورة ياسيدي انا كتبت عنها لسبب انا حبيت اذكره لدكتور زين بعيد عن البلوجر خالص ولكن لو عايزني اقولك اقولك انا لم اؤيدها - برغم من روعتها- حتي لا يتواجد شخص يكتب اليه تعليق به تجريح كما حدث مع اخرون وان كنت متتبع ستفهم ما اقصده التعليق غالبا بيكون على الصورة فحبيت ان يكون بوست دكتور زين خاليا من كل شىء قد يدعو مجهولييييييييييييييييييين الى كتابة شىء يغضبه او يجرح فيه فهمت يعني خوف عليه بس مش اكثر
-هو كان يفهم كدة لم ايقرا-
اغنية منير انا مقدرش اوضح فيها اكثر مما ذكرت للاسف لكن في اغاني كثير جدا
بها نفس المعني الذي تحمله اغنية ايظنوا و المعني مختبيء تفسره كلمة واحدة
المشكلة اننا محتاجين نوصل مفهوم الجنس بشكل راقي في ثوب جميل عايزين نوصله انه مش مجلة او ملابس او لحظات لكنه جزء يدعم الحب و يبنيه جزء مكمل لعلاقة حب اساسها الروح و يدعمها الجسدو ليس العكس لا نرفض الجنس و لكن نحتاج الى تجميله حتي لا يكون جنس فقط و لكن ليكون لحظة حب او علاقة حميمة او اي مسمي جميل يجعل الشباب لا يجعلونه اساس في تفكيرهم فهناك الكثير مما يحتاج هذا التفكير
و حتي لا يكون هناك تعتيم يجعل البنت و الولد في رحلة بحث عن اي معلومة عنه
تحياتي اليك

همسه

fawest said...

لانى لا اريد ان تتحول مدونة زين الى ساحة قتال
ساقول لك شكرا وانا فاهم اللى تقصدية و ردك اوضح كثير من كلامك
ثم فيى مدونتك
علوزين ننقل ساحة القتال من عند نائل اليك

نورسين said...

كنت اعتقد ان هناك رابط خفي بين الحب والجنس !! وان مشاعر الرغبة الساخنة جدا لا يجب ان تكون الا بين اثنين تعاهدا على ان يكونا كيانا واحدا فلا يتحرك للحبيب ساكنا امام غير من يحب ولا تثار للحبيبة غريزة الا امام محبوبها !!ولكن الواقع غير ذلك ،فلا علاقة بين الجنس وبين اي مشاعر انسانية اخرى فقد يكون الجنس مجرد عادة لدى البعض ،،وقد تكون ممارسة مغلفة بالافتعال التام حتى بين المحبين ،وهي متنفس لدى البعض بعد عناء عمل طويل وشاق ،،إلا ان تلك الثورة باتت في ازدياد دون اي مبررات ولا انتظار لعقود شرعية او عرفية او حتى كلمات شفهية، ولا تمييز بين شباب او شيوخ..
احب اقولك ان الصورة لذيذة جدا واختيارك دايما موفق- المهم انك فتحت الباب لموضوع اصبح بدون ضوابط او حدود، ومؤشراته في ازدياد

يسعد ايامك وتسعدنا اكتر معاك وبيك

_ زين_ said...

العزيزه همسه
العزيز فاوستوس
العزيزه سدرة
العزيزة فريده مروان
أشكركم من كل قلبي، وأكثر ماأسعدني هو الحوار بينكم، وسأقرأ ماأشار إليه العزيز فاوستوس عبد العليم في البوست قريت برضه عدد الحمام بتاع أخبار الأدب، وكان عدد غير تقليدي، وباحييك على الحركات الموسيقية اللي بتعزف بيها،والعزف الهادئ لهمسة ولفريده مروان وسدرة، وكنت أحب اسمع ردود من البقية لأن الجنس موضوع لايستحق الخجل، وإنما المواجهة في ظل آلاف من التصرفات الخطأ.
مرة أخرى..
تحياتي وحبي الدائمين

Unknown said...

صباح الخير

استاذى ومعلمى العزيز ولاول مرة اقولها لك ملهمى.... فانت تعلم انى قليل الكلام معك لكن هذا لا يعكس مقدارك عندى وانا اعلم انك تعلم ذلك
اما بالنسبة للموضوع المطروح
فالجنس ليس لة نوع ،اعتقد بان الرجل والانتى سواء فمن خلال تجاربى السطحية مع بعض البنات فاننى احس بالرغبة الجنسية على الرغم من عدم وجود للحب اساسا كما اننى اعلم ببعض العلاقات بين بعض اصدقائى وهى علاقة قائمة اساسا على الجنس وليس الحب بل والادهى من ذلك انهم يتشاجرون حين تعلم الانثى انة ينام مع فتاة اخرى غيرها
وان كنت لا اجد تفسيرا لذلك فالامر اصبح رغبة حيوانية شهوانية فقط ام ماذا؟؟

سعيد جدا باول ردودى واتمنى ان لاتكون الاخيرة

_ زين_ said...

انت مين!
أعتقد دي عبارتي الشهيرة مش كده، ماتتخضش، نورت يابو علي، واهلا بيك دايما، وبطل كلمة استاذي أحنا هنا قاعدين على الرصيف كلنا، بنضرب حجرين انترنت، على قزازة وب، على حبة لب.
تنور دايما ياجنتل

Unknown said...

اوكية يا زيزو كدة فل
على فكرة زيزو دة الاسم الحركى بتاعك المتداول بينا

ابـو مـروان (حسن على سابقا

Anonymous said...

برافو عليك يا حسن والله زيزو جميلة انا مرة سمعتها بينكم و كانت بتعجبني جدا لكن انا بقول عليه ابو تسابيح
و ساعات كدة بقول عليه الراجل دة يعني ساعات بقول الراجل ده جميل جدا
او روحي فيه - محدش هيزعل لو قلت كدة و لا هيسبني اطمن انا بقولها ادامه هو عارف انت اجمل انسان لي في الدنيا - انت بتحسسني اني عندي عيال و هطلق بلاش كدة -
ساعات بحس ان فاضل اقوله يا زين لانه بجد بجد صديق عزيز جدا عمري ما خفت منه خالص او حسيت انه انسان غريب عننا لا خالص زيزو دة قطعة مارونجلسية او كيكة لاني بعرف اعملها لما اتجوز ههريكوا كيكة ان شاء الله لاني هسكن جنبكم

يا زيزو نسيت السوداني اللي انت بتحبه و انا كمان بحبه
انت لو دورت هتلقي بفي القاموس حاجات كتير غير زيزو في سوسو و زوزو و فوفة - طبعا مذكر -
بس زيزو اجملهم طبعا
تحياتي اليك يا طائر الحب الصغير الجميل

همسه حب البك و الي من احبهم جميعا و الة من يحبوك

_ زين_ said...

ماشي ياعم
بس ده بره الكلية، جوه الكلية هاأولع فيكم، صباح الأرصفة والترمس بقى، وبعد شوية هاتقوللى اعزمني علي شاي..
نورت يابو علي

_ زين_ said...

ماشي ياهمسة
نورتيني ياست الكل، وربنا انتوا أجدع عيال أنا قابلتها في حياتي، وبعد ماكتبت "الملائكة" أدركت أنني يجب أن أكتب عن هؤلاء الملائكة الذين أعرفهم عن قرب، لكني أدخر ذلك ليوم آخر
خالص تحياتي وحبي

Anonymous said...

يا ابو تسابيح متقولش كدة دة واجب علينا علي فكرة انت كان لك عزومة خليك فاكر بس مش ترمس طبعا
سبانج من اللي قلبك يحبها
و اللي انت عايزة
لو كتبت عننا هنكون ملايكة و لا انت شايفنا ازاي

اكتب عن اللي بيخوفنا و اللي بيخوفنا هو اننا بنشوف بعض في عالم تاني غير باقي الناس عالم فيه روح و بساطة و حب و مفهوش اي شىء يعكرة و لا يعكر مشاعرنا
فيه بنشوف بعض صح و بنعرف بعض صح و بنتكلم بحرية و بدون خوف و لا مادة و لااي شىء انا لو غلط بحكيلك و بتقدر و بتعرف ليه غلطت لو اشتقت اكلمك هكلمك من غير خوف او اعتبار لي شىء يعني بنعبر عن حبنا صح بنطلق له العنان ليحي طالما صح في عالمناالكبير دة مش موجود احنا ولا الطيور لكن بنفتح عينينا على ابتسامة ان عالمنا فيه عالم صغير بيساعدنا على تقبل الحياة في عالم البشر الكبييييييييييييير جدا
تعرف بقي تجمع كل دة و تكون شىء عننا
عارف رواية بعيدا عن الارض هو احنا كدة بعيد عن الارض لكن عندنا ادراك بيها
تحياتي الي قلبك الطيب الجميل
وصدقني اللي بتكتبه روعته انه في احساس ومشاعر نفهوش كلام
همسه

Unknown said...

على فكرة يا همسة انت اسلوبك شيق فى الكلام ودمك خفيف بجد على فكرة دة مش معاكسة انتى عارفانى انا مش بتاع معاكسة بس بجد بحس ان كلنا مأثر فينا زيزو قوى تفتكرى لية ومش عايز الاسباب الكويسة اللى ممكن تكون فية انا عايز الاسباب اللى موجودة فينا احنا .....عشان احنا ملائكة زى ما بيقول معتقدش زمن الملائكة انتهى خلاص ومش راجع تانى بس اعتقد ان فى حاجة نقصانا احنا وزيزو بيكملها لنا تعالوا ندور عليها فينا.

Anonymous said...

صباح الخير ‏
الموضوع جميل وفعلا محتاج يبقي في تعقيب علية المرحلة اللي حضرتك ذكرتها ‏والتطور التاريخي لموضوع الجنس وازاي بقى الشباب بيسعو لية بصورة مرعبة وفي ‏نفس الوقت سهلة ودور العولمة اللي فعلا كسرت كتير من قيمنا الشرقية جعل الموضوع ‏ما يبقاش جواز عرفي وبس وصل لدرجة ان تحت اسم الحب سهل جدا ممارسة الجنس ‏وبدات نظرية الممنوع مرغوب يبقى ليها دور ، ولو تسمح الموضوع مبقاش تكنولوجيا ‏النساء العاريات فقط معاك أن الانثي هي حجر الزاوية في الموضوع لأن ليها التأثير ‏الاكبر بس ماننساش انها مجرد انسان بيمارس رغباتة زي الرجل تماما الموضوع بقي ‏اكبر من كدة زي ما بنشوف وبنسمع ان في فلانة بتعمل وبتسوي(خرباها مداين) في ‏كمان رجالة بتبيع نفسها للمقابل المادي الافلام الجنسية اقصد، ودة بدا ينتقل لمجتمعنا ‏بمسميات مختلفة نهاية كلامي هوية البصمة العربية وهوية الدين بدأت تدوب وتختفي ‏من عند الشباب ان مكانتش موجودة اصلا عند للشباب الجديد وبقى هدف التقليد شيئ ‏عادي دلوقتي....... شكرا لفكرة موضوعك
سيد سعد ‏

_ زين_ said...

البوست ده عامللي مشكلة ومش عارف أكتب حاجه تانية يخرب بيوتكم، على العموم انتم عارفين بحبكم قد إيه.. والنقاش عاجبني.. قول رأيك بحرية هنا.. لأن مافيش حته تانية وحياة الست الوالدة..
نورت يابو السيد، وهمسة مش هاتبطل، وحسن خش في لموضوع.. تحياتي وحبي

Anonymous said...

متقلقش يا دكتور انا هبطل لان عندي شغل و ضغوط فيه كمان و عندي حاجات كتير قوي بعملها و بفكر فيها بس يمكن في دقايق من شغلي بخطفها و اتواصل معاك
اكتب متقلقش انا خلاص بطلت
تحياتي ليك و شكرا ليك ياحسن و مبروك مروان ربنا يخليهولك
و معلش طولنا عليك يمكن لاننا حبينا ننقشك لكن اطمن انا بكتب حاليا فهكون بعيد متقلقش
همسه

Unknown said...

زيزو
صباح الفل يا بوب
افتكست افتكاسة كدة وعايز رايك وراى الجميع فيها
اتمنى تعجبكم
http://eftkasaat.blogspot.com/