October 24, 2007

الألم ..لاتكذبي


مش عارف أقولكم إيه
حبيت أغير كده وأقلب على عبد الوهاب
عبد الوهاب ده حبيبي
يعني ممكن ماأكولش وأقعد اسمعه
اسمعوا لاتكذبي منه
"لاتكذبي
إني رأيتكما معا
ودع البكاء فقد كرهت الأدمعا
ماأهون الدمع الجسور إذا جرى
من عين كاذبة
فأنكر وأدعا
وأدعا"
أغنية تعيش
تعيش على طول
تعيش لأن الحاج الشناوي كتبها وهو تعبان..
هي دي النقطة اللي أنا أقصدها
إوعى تندم إنك اتألمت يوم
لأن كتابتك الجميلة منبعها هذا الألم
فليحيا الألم الذي يجعلنا متألقين
- ردا على نورسين وشخابيط وشيرين وفاوست
واي حد مداقش من نهر الألم ولم تهاجمه ديناصورات الوحدة المتوحشة
-للعامية جمالها دائما-
مع إحترامي للفصحى

35 comments:

نورسين said...

يالعامية برضو بقولك ، إني بموووووت في الاغنية دي ، بعشقها من عبد الوهاب أو نجاة ، أو حتى عبد الحليم
لما بسمعها بعشها بجد

الكتابة الجميلة منبعها الالم ، وكثير من لحظات الانتشاء تعقب ساعات من الالم

فليحيا الالم سيدي الذي يجعلنا متألقين وشكرا لك سيدي على أن شملتني بعطفك اللانهائي في بوستك الرائع

لك كل الود والامتنان

ســـــــــــــــــهام said...

انا معاك ان الحزن ممكن يطلع من الانسان ابداعات جميلة بس برده مانقدرش نقول ان دى قاعده عامة لان في ناس الحزن والالم بيخلق منهم وحوش كاسرة بيسببو للى حواليهم الم جامد اوى وخصوصا اقرب الناس بحجة انهم الحد الوحيد اللى هيقدر يستحمل الامهم
تحياتي

sayed saad said...

الالم يجعلنا متألقين صدقت لأننا نستمد قوتة من سخونة مشاعرنا من سخونة ارضنا من قوة شمسنا فهو فعلا اقوي الاسباب التي تجعلنا نعبر عن ما بداخلنا بحرقة وبيأس لا حدود له
لكن ليس الالم وحدة يا صديقي

السعادة ايضا
لا نجزم اننا نعيش في الم طوال فترةالعمر ولأن هذا واقع اذا توجد سعادة والتعبير عن السعادة جميل جدا

سيدي مؤكد تزوقت الملح وعرفت طعمة لكنك كنت لن تدركة الا عندما تذوقت السكر
--------
عيناك في عينيهِ
في شفتيهِ
في كفيهِ
في قدميهِ..
ويداكِ ضارعتان..
ترتعشان من لهفٍ عليهِ
-----------------
لو نسينا سبب كتابة هذة القصيدة لحظة ووضعنا تلك الابيات امام اعيننا على انها جزء من قصيدة حب هل تصلح ام لا
اكيد تصلح وبقوة لذا سيدي الام والسعادة وجهان لعملة واحدة
--------------------------
اكيد قصيدة تحفة ملهاش حل بس بصوت نجاة احلى يا بوب
---------------------------

Cognition-sense said...

أنا شخصياً بحب ده أكتر من قلوب حزينة

ليه الحزن بس, ما انت إللي قلت: الحياة تهبك ما لديك.

هو بس إحنا علينا ندور عللي عندنا

Cognition-sense said...

على فكرة إنت عامل الخيار إللي بيمنع الناس إنها تعمل تعليقات ويبانو

عين ضيقة said...

فليحيا الألم الذى يجعلنا متألقين

جايز

بس الألم الذى يجعلنا نحيا ميتين .. نعمل فيه ايه؟

وعموما
كامل الشناوى ده مبدع بحق
تحياتى ليه وليك

على باب الله said...

مدونة حضرتك جميلة فعلاً

دي أول مرة أزورها لكن بكل تأكيد مش ها أتابعها

و أنا شخصياً بحب لا تكذبي بتاعة نجاة أكتر من بتاعة عبد الوهاب

لكن علي العموم الأتنين بيغنوها أحسن من عبد الحليم

fawest said...

أعدل لينكاتنا
http://http://fawest.blogspot.com/
الى
http://fawest.blogspot.com/
بالنسبة للالم
كلامك صحيح جدا
ولا يمثل لى أكتشافا
لكن اما آن للالم ان ينتهى
الكتابة فى حد ذاتها الم و المها إستعادة الم
قد يكون الابطال و الشخوص التى نبدعها
ليست نحن ولكن الاكيد انها تحمل جزء مننا وأكثر

hamsaa said...

يا صباح الخير على عيونك :
صباحك اجمل من حبات السكر يامن حليت به حياتي و مشاعري
ازيك اولا اتمني تكون بخير
عبدالوهاب رجل يملكه حنجرة ذهبية رغم ضخامة صوته و لكنه يخدمه في توصيل ما يتغني به ياه لو سمعت منه اغنية " قالولي هان الود عليه نسيك و فات قلبك وحدة رديت وقولت بتشمتوا ليه كان افتكرني علشان ينساني اه عشان ينساني " اد ايه هي جميلة فيها بيعبر عن صدق الانسان مع نفسه و مشاعرة ولا اغنية لا مش انا اللي بكي و لا انا اللي اشكي لو جار عليا هواءك و بالذات لما بيقول
انا مش هاعتبك دلوقتي .... علشان نهايتك و نهايتي كان يجرا ايه لو كانت اطول ...رجل رهيب صريح جدا انا اول مرة اقرا اعتراف لراجل بكل ما في حياته و لو مش جميل ففي مذاكراته التي سجلها بصوته لمسلسل اذاعي للاسف لم يتم ذكر للعمروسي انه كان يعشق النساء و انه ان ربما يتحول الى شيطان و احيان اخري يكون اشبة بالملائكة و اعترف بالكثير جدا رجل صريح و رجل عامي عامي يخاطب مشاعر الجميع حتي في كلماته اليومية اذكر ما ذكره عنه احدي الملحنين انه كان يملا المكالمة بالسباب عندما يتحدث و لكن كلماته هي كلمات المحب الجميل .
لا تكذبي تملاءها المشاعر جديرة بان تجعلك تشعر بالالم حتي و ان كنت سعيدا تعيش احداث
قصة فيها عيون ومشاعر مخادعة ... فدع البكاء فقد كرهت الادمعة .. بالهمس باللمس بالاهات بالنظرات بالصمت الرهيب بالصمت الرهيب فيها ما لايطيقه بشر بداخل اطار صغير لاغنية لا يمكن لاحد ان يبدع في توصيل مشاعره كما قام الشناوي المرض احيانا يولد ابتكارات كثيرة .....
صعب الواحد يصادف ما بالاغنية
انا سمعتها بصوت نجاة لكن اكيد هتكون بصوت عبدالوهاب اجمل...كتيييييييير
لكن حتي لو كان الالام بهذا الشكل فلنتحمله فقط متمسكين بلحظة صدق ربما تمر علينا
تحياتي

hamsaa said...

نسيت اقولك صدقت فعلا فان الالم هو منبع الكتابات الجميلة
فلحظات الالم تولد ابداعات لا حدود لها
اما الندم على ما مر من الم الوقت جدير به لولا الالم لما شعرنا بلحظات السعادة .
عارف قصة الاغنية تنطبق على حياة رشدي اباظة فقد خانتة حبيبتة بهذا الشكل و حاولت سامية جمال ان تعالج هذا و قد نجحت الي ان تم الانفصال بينهما
لازم نتالم لكن بحدود....لكن بجد مش عارفة لو كان الالم ذي ما بالاغنية ممكن يداوي تفتكر ......تفتكر...؟ولا ايه

hamsaa said...

من الساعة صباحا 7.30 لحد دلوقتي عمالة اقرا البوست معرفش ليه بجد عجبني قوي هايل جدا....لا و عمالة اغنى لعبدالوهاب نفسي دلوقتي اروح المكتب اللي جنبي و اسمع عبدالوهاب و نجاة
بس ليا طلب كبر الخط نفس فونت احساسي يحسن النظر قل كتير عن الاول
شكرا

أبو مروان said...

كيف لنا ان نفرق بين السكر والملح دون ان نتذوقهما
تحياتى للبوب المبدع

sayed saad said...

صديقى العزيز
ايهما اصعب على نفس الانسان
دينصورات الوحدة وهدي تدهس عظام امل كل واحد فينا ام سوس الوحدة وهو ينخر في احلامانا حتى نبقى كخيال المقاتة وسط حقول زرعت باشجار العذاب
تحياتي

Zain said...

العزيزة والمتألقة نورسين
بصي م الآخر أنا بحبها من عبد الوهاب .. نجاة ليها أغاني تانية عندي..نجاة بالذات لما بتغنيها بأحس بمعنى أن تكون خائنا وتسبح في دم من خنتهم.. عبد الوهاب في الأغنية دي متخان قوي..قوي..هو ده اللى قصدته.. كلمة في سرك مابحبش المتخانين لما يعيطوا..أحب اشوفهم جامدين وقادرين على الوقوف تاني..
وبعدين عطف إيه يابنتي اللى انت جاية تقولي عليه..انت عارفة الأول معنى العطف إيه؟؟ (-:
تحياتي وحبي

سهام باشا
أنا لابقول قواعد عامة ولا خاصة.. وبلاش نمنهج المشاعر..وبعدين أنا بأخاف عليكي من الكلام ده..إنتى ليساااااه صوغيره..
تحياتي وحبي

العزيز عرب كل حته
أنا عارف ليه انت بتحبها بصوت نجاة.. بس تصدق بالله بالصلصة أحسن.. (-:
وبلاش تقوللي تذوقت..لأني لم أعد اشعر بما آكله..وفقدت حاسة التذوق..وبطل كلام في موضوع التذوق ده.بأقلق منك..
تحياتي ياقمر

العزيزه كوجنشن
أنا قلت للشلة كلها توسع لأن عندنا حاجة جميلة جديدة بتعلق..وتأكدت من كده لما بصيت على البلوج.. ولنا لقاء مؤكد انشاء الله لديكي ده أولا
ثانيا: أنا لم أتحدث عن الحزن الذي يجب أن يستمر، كنت أتحدث عن الألم والحزن الذي يمر بنا، نكتشف أنه على الرغم من الندوب التي تركها، فقد ترك في أقلامنا ألقا لاينتهي.. ترك أحاسيسنا أكثر نبلا، وأكسبنا فرقا عسكرية من الحروف يمكنها أن تقاتل كل مرتزقة الخيانة..
ثالثا: أنا لسه برضه بأقول كده
رابعا: غصب عني لأن أحيانا بتصلني رسائل خاصة جدا - مش خاصة قوي - لكنها لايمكن أن تنشر
سعيد بزيارتك.. وأرجو أن تتكرر
خالص تحياتي وتقديري


العزيزة عين
كل شئ جايز
ليس هناك ألم يقتل في ظني..هناك ألم يجعلك اقوى..طبعا ده فيه شروط محددة ليه..وتحياتي ليكي وللحاج كامل..
نورتي ياقمر

العزيز على باب الله
1- تحب نجاة براحتك..أنا باحبها بالبقدونس
2- مافهمتش ليه مش عايز تيجي تاني.. فيه حد قالك حاجه وحشه لامؤاخذه.. وبعدين حقوق النشر ياسيدي بتاعتك محفوظه ماعملنهاش واللهي قراطيس لب
برضه نورت وأهلا بيك

العزيز طه
والمصحف ورحمة أمي كمان اللينك بتاعك عندي مضبوط لأني بادخل منه مباشرة..يمكن قصدك حد تاني
مين قال إني عايز الألم يستمر.. فهمتني برضه غلط..أنا بأقول إن الألم لو جه.. نستفيد منه.. بس خلاص
تحياتي وحبي

العزيزة همسه
من 7.30 الصبح..عبد الوهاب..أنا ماسمعتش عبد الوهاب بقالي 3 سنين مثلا..بس باسمعه أول ماخرج بره مصر ماعرفش ليه.. الألم بيداوي مابتسمعيش عن الحجامة والكي..الألم كده برضه..ألم الروح ممكن يتداوى بألم روح برضه..مش عارف بيتهيألي كده..
تحياتي وتمنياتي
- ملحوظة: الخط ده بقى مميز للبلوج عندي مع الإعتذار لضعاف البصر..

sayed saad said...

خلاص مش هدوقك حاجة تاني بس جاوب على سؤالي وخصوصا مزاجك عالي انهاردة
س:.......؟

hamsaa said...

يعني غيرت الفونت يعني مش انت قولت دة طابع مميز للبلوجر و لاايه يا دكتور

الحمد لله لسه نظري 6/ 6
بس علشان البوست يكون واضح
تحياتي

Zain said...

عرب
أجاوب على إيه.. هو انت كان ليك سؤال..آه ديناصورات الوحدة.. يمكن أن تحولها لأصدقاء لو أردت بزيادة هامش التسامح، وسوس العضم إنت عارف حله إيه.. بطل أسئلة..
تحياتي وحبي

Zain said...

همسه
سامحيني.. وحرمت .. هاأغير الفونط والبنط واللون..
طيب لما هم 6/6 طالبة التغيير ليه؟
ليه
ليه
كل ده كان ليه؟؟
تحياتي واحترامي

hamsaa said...

عيني عليك بردة شكلك ذي ما قال سيد مزاجك عال العال ......الله عليك بقولك بمناسبة لا تكذبي في سؤال محيرني ....
هو اللي يجبر على الكذب يعني يكون كذاب يعني لو حد حاول يخليك تساعده بالكذب اجباري كدة تعمل ايه
هو بيغلط و مش محتاج نصيحة و بيك و من غيرك هيغلط بس مش عايز يغلط بعيد عنك.. امامك حل من اتنين يا تخسر علاقتك بيه يا تبوز لانه شايف غيرك بيساعده و مفيهاش حاجة ...او انك تسمع كلامه ...اوانك تخسر ثقة في علاقة لا يمكن للخداع ان يتواجد فيها ... بس اجباري كدة لاقيت نفسك بتكذب لانها متركتش فرصة للاختيار خالص ...... لاتكذبي تذكرني بشىء من ذلك بالامس فكرت اسالك لو اتعرضت للموقف دة تعمل ايه ........يعني اهو جزء من اغنية لا تكذبي و المها ينطبق عليها ....
في ناس بتفرض عليك مبادئها و مبادئك في عالمك فقط و عالم من يشبهموك و يشبهونا متواجدة و عندهم مفيش الكلام دة...

Zain said...

حيرتيني ياهمسة
بس تعرفي أول مرة أول مرة بجد أقف قدام عبارة ليكي جميلة قوي
"في ناس بتفرض عليك مبادئها و مبادئك في عالمك فقط "
الدنيا كده، لاأريد أن أدعي أن بمقدوري دائما أن أنجو بنفسي من غصرار الناس على مشاركتهم مايريدون سواء كنت أحبه أو لاأحبه تتدخل عوامل كتير قوي..
صباح الفل وبكره الجمعة

سهر الليالى said...

طبعا الأغنية دى جميلة مووت بالرغم من ماتحمل من ألم
وعلى فكرة هى فعلا أحلى بصوت نجاه لأن صوتها ملىء بالأحساس الدافىء

أتفق معاك جدا أن الإنسان ميندمش على الألم فى حياته لأنه لو بص بعد كدة هيلاقى منفعته لو صبر

بس مش الألم لوحده هو منبع الجميل وإنما الفرح أيضا والاتنين مهمين أوى فى حياتنا ومينفعش حد فيهم لوحدة عشان نحس طعمهم صح

تحياتى

shreen said...

انا ايضا اعشق لا تكذبى يا زين
حتى انى امتلك ديوان كامل الشناوى الذى يضمها

اعشق عيناك فى عينية فى كفية فى قدمية
وامتلكها لعبد الحليم وعبد الوهاب على جهاز الكومبيوتر اما اغنية نجاة فعلى شريط كاسيت

سعدت جدا عندا علمت انى اكتسبت تعبير وذابت اجنحة الخيال
حين اقتربت من الشمس

من الاسطورة الاغريقية للفتى إيكاروس

الذى فرح بجناحية الشمعيين وحلق بهما كثيرا وطويلا حتى اقترب من الشمس فاذابت جناحية

واعلم جيدا انة كان خداعا مفزعا
فانا من ارتطمت بارض الواقع وانا من لا زالت تحمل الندوب والجراح من هذة الصدمة

واشكرك جدا على جملة كتاباتك هى الافضل
واحساسك هو الافضل
وردى لك هو

فهذة تهمة لا انكرها وشرف لا ادعية

الف شكر على رقتك

اما سؤالك عن
هل أصبح الحب في هذا الزمن فعلا سحريا خارج هذا العالم


هذا ما اؤمن بة منذ وقت قريب فقط
لان فى عالم اللهاث والماديات
فى عالم يعتبر العطاء بلها وحمقا

والحب لا قيمة لة امام المادة

فان الحب اصبح فعلا امرا سحريا لا يوجد بهذا العالم


ان كنت انتبهت لبداية المدونة

كتبت جملة قالها ال باتشينو فى فيلم محامى الشيطان

قال ان الحب مغالى فى تقديرة فى حين انة كميائيا لا يختلف عن اكل كمية كبيرة من الشيكولاتة

هذا ما يؤمن بة عالمنا الان
وهذا ما يطبق فى عالمنا الان


وانا الان احاول ان اقنع نفسى ان كل ما امنت بة يوما عن الحب هو وهم

وان هذة الجملة هى عين الصواب

و لانى ظللت بين اجنحة الخيال كثيرا
فصدمة الواقع الارض الصلبة

تحثنى على ان اؤمن بعبارة محامى الشيطان
حتى استطيع النجاة فى هذا العالم

ayman_elgendy said...

فليحيا الألم الذي يجعلنا متألقين

تمام يا دكتور

خالص تقديري

أبو ضحى said...

الكتابة أو أى نوع من الفنون وسيلة للتعبير عن المشاعر سواء أكانت حزينة أو سعيدة و كثيرا من الكتابات السعيدة نجحت و أثرت فى الناس
لكن الملاحظ هو أن الكتابات الناجحة تنبع من أ‘مق المشاعر، بمعنى أن يكون الانسان فى قمة الحزن أو السعادة مثلا

فالفنون جنون

تحياتى

hamsaa said...

شكرا على ردك الجميل صباح الفل عليك....تسافر و ترجع بالف سلامة ....
هبعتلك بكل دقيقة سلام من ساعة ما اصحا لحد ماانام و اعد اليوم من بعد اليوم فات كام ليلة و كام يوم بس اوعي تغيب يا اعز حبيب دا انا قلبي معاك ..لو حتي تروح اخر الدنيا اخر الدنيا
دي شادية مش سي عبدالوهاب ...
لا اتذكر له اغنيات عن السفر ...
افتكرت بس ليلي مراد يا مسافر و ناسي هواك ..و خايفة لما تسافر على البلد البعدي تنسي انك سايب في بلدك حبيب ..شادية ...
بس عبدة مش عارفة اخبار السفر عنده ايه..
غير يا مسافر وحدك
بالمناسبة
موضوع الفونت علشان انا عايزة البلوجر بتاعك يكون اجمل بلوجر في الدنيا كلها و كل شىء فيه واضح وجميل " وهو كدة فعلا "يارب دايما تكون كتباتك في السما ..و عارف ليه من غير ليه يا حبيبي .....
مستنية الاسبوعين يعدوا بسرعة يارب هون
همسه حب

عندما انتهيت من صنع سفينتى..جف البحر said...
This comment has been removed by the author.
عندما انتهيت من صنع سفينتى..جف البحر said...

ياجماعة الكلام على عبد الوهاب صعب اوى دا الدكتور ..
انا شخصيا مش هعرف اتكلم عنه بس عيشوا معايا الكلمات دى ..
قلبى بيقولى كلام ....
قلبى بيقولى كلام وانت بتقولى كلام

وعينيا شايفة كلام والناس بيقولوا كلام

احترت اصدق مين ؟

واحترت اكدب مين ؟

قلبى بيقولى


***


انت بتحلفلى انك ليا وعينيك بتكدب حلفانك

بيخبوا وبيداروا عليا وكلامهم مش زى كلامك

احتارت ما بين قلبى وبينك .. والحيرة عذاب

ما اعرفش الصادق مين فيكم .. ومين الكداب ؟


***


فاكر يوم قلبى ما شكالك ؟

وسألتك عن راحة قلبى

فى القرب داريت عنى جوابك

وف بعدى رديت على حبى

احتارت ما بين قلبى وبينك .. والحيرة عذاب

ما اعرفش الصادق مين فيكم .. ومين الكداب ؟


***


تضحك .. ف عينيا ..

والفرحة تاخد من قلبى وتجاوبك

وابص الاقى ..

عينيك سارحة ..

مع حاجة تانية بتندهلك

احتارت ما بين قلبى وبينك .. والحيرة عذاب

ما اعرفش الصادق مين فيكم .. ومين الكداب ؟

قلبى بيقولى كلام وانت بتقولى كلام

وعينيا شايفة كلام والناس بيقولوا كلام

احتارت اصدق مين ؟

واحتارت اكدب مين ؟

قلبى بيقولى
قريتو كل واحد بئا يوح يسمعها كويس هيحس حالة كدا غريبة
هو دا الدكتور عبد الوهاب

اما حكاية ان الالم مصدر ابداع فا دى فى رأى الشخصى من المسلماااااات خلاص
مرسيه ليك بجد اوى

د. ضياء النجار said...

عزيزي الدكتور زين،

اسمح لي أن أشاركم بعض التأملات المرتبطة بكلمة "الألم" ، على سبيل التعليق.

الألم والأمل كلمتان لهما نفس الحروف ونفس عددها،وهما كلمتان متكاملتان؛ فالأمل هو المسبب في الإبداع كما تفضلتم أنتم وأشرتم في تدوينتكم الجميلة، والألم هو من مسببات الثواب الإلهي للعباد: "‏ما من شيء يصيب المؤمن، حتى الشوكة تصيبه، إلا كتب الله له بها حسنة، أو حطت عنه خطيئة"، كما جاء في صحيح مسلم‏ والألم هو مقياس القيمة الإنسانية في الإسلام: القدرة على العطاء في ظل الألم هو ما جعل الأنبياء على قمة المنظومة القيمية الإنسانية في الإسلام وجعلهم خير البشر.

فلتحيا اللغة المصرية، لغتنا الأم، ولتحيا اللغة العربية الفصحى، فهما رافدان من روافد الإبداع اللغوي كما أشرتم وعن حق

عميق تحياتي

ضياء

shreen said...

الى القريب جدا من احساسى
دكتور زين
ردا على تساؤلك
لا لست اقصد الحب بوصف القمر
الحب داتما وابدا شيئا نقيا وساميا
جميلا وراتعا
لكنى كنت اقصد من نقع بحبهم
الذين يحيطون انفسهم بقشره براقه تجذبنا اليهم
وعندما ننتبه الى ان هذا الجمال الذى جذبنا اليهم كان مزيفا ولم يكن يوما ملكا لهم
يكون ذلك بعد فوات الاوان

تماما مثل النباتات التى تتغذى على الحشرات
تحيط نفسها بالوان زاهيه ورائحه مميزه
فتقترب الحشره انبهارا بهذا المظهر
ولا تدرك الا متأ خرا جدا
ان هذا كله معد لاصطيادها
وان المظهر البارق يخفى سما اودى بحياتها فى النهايه

الف شكر على اهتمامك الدائم

Zain said...

العزيزة سهر الليالي
وأنا معاكي، بس أنا لي وقفة مع نجاة وهي مسألة شخصية بحتة رغم إني بحبها قوي
خالص تحياتي

العزيزة شيرين
نحن نتألم جميعا من أجلك، والبوست الجديد من أجلك وأجل كل من يتألمون، رفقا بنفسك
تحياتي وتقديىي الدائمين وشكرا لكل كلامك الجميل الشجي

العزيز أيمن
شكرا لمرورك وأهلا بك دائما وليحيا التألق المر والحلزو
خالص تحياتي وامتناني

العزيز أبو ضحى
مين قال غير كده.. أعتز بكلماتك المعجونة بالشجن، والتحية لشيرين التيي دلتني عليك
خالص حبي وامتناني
العزيزة أغاني الشتاء
ورحمة أمي وقلبي نا كمان بيقوللى، أحترم للغاية كل من يحب عبد الوهاب وأحترم مرتين من يحفظ أغانيه، وكل احترامي لمن يتفكر في كلمات الأغاني التي غناها
خالص حبي وتقديري وصباح العالمية


الأخ العزيز د. ضياء النجار
سعدت بتعليقك وظهورك الأول، ومن القلب للقلب رسول، أتمنى لك دوام التقدم والأمل الدائم في أننا سنكون يوما ما أفضل، ولتعش الصداقة أبد الدهر، خالص محبتي وتقديري وأرجو أن نلتقي يوما على كل خير

العزيزة شيرين
دامت صداقتنا وجلستنا على الرصيف الافتراضي، واشكرك على التصحيح، وأتمنى أن تخرجي قريبا إلى الألق والحياة، الألم باق لكنه يمكن أن يدفعنا للتألق، البوست الجديد ليكي ولكل المتألمين
خالص تقديري الدائم

إيمان said...

تأخرت كتير جداااااااااااااااا
سامحينى....الالم ..هو أعمق المشاعر الانسانية تأثيرًا فينا
دايما بنتذكر لحظات الالم بتفاصيله
ولا نتذكر لحظات السعادة ولا تبقى معنا
بعمق لحظات الألم
وفى مقولة بحبها اوى لانيس منصور فى موضوع متعلقة بموضوعنا
أنه لا علاج للألآم الكبيرة إلا بإنتصارات أكبر

تحياتى وتقديرى

حازم شلبى said...

أوعى تندم انك اتألمت يوماً .. فليحيا الالم الذى يجعلنا متألقين

وتحيا العامية التى جعلتك تجيب من الاخر يا صديقى .. فعلاً لولا الالم ما ابدع البشر ولولا ديناصورات الوحدة و عذابات النفس ما اخرجنا ما فى داخلنا

يحيا عبدالوهاب وموسيقاه وفنه والزمن الجميل الذى أفرز لنا هؤلاء العمالقة نستمد من تراثهم الباقى على مر العصور عبق الماضى و جماله لنستعين به على قبح الحاضر و تفاهته

تحياتى و احترامى يا صديقى .. بس برضه نجاة فى الاغنية دى ابدعت لا شك فى ذلك

وعلى فكرة فين يا دكتور " رجال زمن الهزيمة " يا ترى هى نفسها " دماء ابوللو " ولا دى حاجة تانية ده انا من الان وصيت كل الزملاء اللى نازلين مصر فى اجازة العيد الكبير عليها .. طمنى راحو فين الرجالة ولا زمن الهزيمة ابتلعهم

إيمان said...

قدرى أنا أكون الأخيرة

موضوع الالم ده دايما بيشغلنى

بسأل نفسى لية ربنا سبحانه وتعالى

جعل تأثير الألم علينا أعمق من تأثير لحظات السعادة


شكرا للألم الذى جمعنا فى هذه المناقشة وشملنى فى هذا البوست

تحياتى وشكرى

Zain said...

العزيز حازم
وأنا والله العظيم بحب نجاة وهي في لاتكذبي كانت رائعة وكاذبة بس المشكلة إن فيه ناس كتير ماتعرفش الحكاية
ماعلينا
زمن الهزيمة اتغير عنوانها لدماء أبوللو لأن العنوان الأول كان من اختيار الناشر ولأني ماكنتش حابب العنوان ولا مستسيغه فرجعته للاسم الأول، دماء أبوللو، وهي شكلها طالعة انشاء الله خلال أسبوعين من الآن عد معايا وإلا هاأخرب بيت محمد هاشم الناشر بتاع ميريت، رغن إني بحبه
ومستني منك حاجه جديدة
طلع من كنوزك يازعيم
مساء الفل والسعادة
خالص تحياتي على اهتمامك

أمونة العزيزة
الألم فات مش باقي منه غير الشئ اللي ناشع في نافوخي ده ومش عارف إيه هو
خالص حبي الدائم

Zain said...

العزيز حازم
وأنا والله العظيم بحب نجاة وهي في لاتكذبي كانت رائعة وكاذبة بس المشكلة إن فيه ناس كتير ماتعرفش الحكاية
ماعلينا
زمن الهزيمة اتغير عنوانها لدماء أبوللو لأن العنوان الأول كان من اختيار الناشر ولأني ماكنتش حابب العنوان ولا مستسيغه فرجعته للاسم الأول، دماء أبوللو، وهي شكلها طالعة انشاء الله خلال أسبوعين من الآن عد معايا وإلا هاأخرب بيت محمد هاشم الناشر بتاع ميريت، رغن إني بحبه
ومستني منك حاجه جديدة
طلع من كنوزك يازعيم
مساء الفل والسعادة
خالص تحياتي على اهتمامك

أمونة العزيزة
الألم فات مش باقي منه غير الشئ اللي ناشع في نافوخي ده ومش عارف إيه هو
خالص حبي الدائم