December 2, 2007

إلى نهى محمود


العزيزة نهى محمود
صاحبة كراكيب
نداء عاجل لكل من يعثر عليها..
لم أفهم معنى نفاذ الغرض من المدونة..
الغرض ياصديقتي الجميلة هو الكتابة وبناء مجتمع من التسامح والتشارك في الأفكار والمصير..
هذه أفكار لاتنتهي ولاتنفذ ياصديقتي ..
عودي من التيه الذي يفرضه علينا بعض الأغبياء..
عودي من أجل حمارك الأزرق
وارضيتك الزرقاء
وأصحابك من ذوي الدم الأزرق
وتدشينا للفوضى الزرقاء القادمة
الكلمات تتوقف أحيانا..لكن الحب لاينتهي..
فأغراض الكتابة لاتنفذ..
لاتنفذ..
لاتنفذ..
لاتنفذ

الصورة من
blogs.gelman.gwu.edu

20 comments:

عين ضيقة said...

معك كل الحق


ولتعد نهى ان شاء الله

سهر الليالى said...

ايه ده ايه ده
لا لا لا لا لا لا
بضم صوتى لصوتك يا دكتور زين واسمحلى ازا كان دة الطريق اللى اوصل لها صوتى

إلا نهى محمود
بجد يا نهى لو انتى بالذات تقفلى مدونتك يبقى ملهوش طعم التدوين

يا جماعه أنا ببعت رسالتى لنهى وبقولكو ان انا بحبها جدا وانها كانت سبب كبير واساسى انى افكر اعمل مدونة وهى اللى شجعتنى
لان كنت بحبها وبحب مدونتها جدا

لا يا نهى أرجوكى العودة

نبضات said...

نبضات بضم صوتها لحضرتك فى ان لافكار لاتنفذ وفعلا الكلمات تتوقف احيانا ..لكن الحب لاينتهى فاغراض الكتابه لاتنفذ
واتمنى ان تعود الزميله العزيزه نهى لعالم التدوين مره اخرى هذا العالم الجميل الذى نهرب فيه من ضغوط الحياه والعالم الموحش الذى اصبحنا نعيشه
ونحاول بكتابتنا المشاركه فى بناء مجتمع من التسامح والتشارك فى الافكار والرقى والمعانى الانسانيه الجميله

تحياتى لك

محمد فيروز الكمالي said...

صدقت أخي الكريم نحن نحتاج لهذه المدونات التي تطير بنا إلى أفق الأخوة والصداقة وتتطور من فكرنا وأدبنا واسلوبنا ونسمع أخبار اخواننا في مشارق الأرض ومغاربها بل شمالها وجنوبها .
فنحمد الله على هذه الوسيلة

hana said...

اتفق معك جدااا

الافكار لا تنفذ
عودى يا نهى لعالمك اللى اكيد بتحبيه

fawest said...

د.زين
لو المسأله شخصيه
حب مثلا يجوز
يبقى إيه زنبنا إحنا علشان تخلينا نحب كراكيبها
أنا عملت جروب على الفيس بوك
http://www.facebook.com/group.php?gid=9920717558
أرجو من كل محبيها ينضموا الى جماعة الضغط على نهى لأعادته فتح مدونتها



المصيبه يا د.زين أنها منضمه للجروب
الحق يا دكتور

fawest said...

أرجو الأنضمام الى جروب
محبى مدونه كراكيب نهى محمود
لهد نبيل وهو إعادتها لفتح مدونتها
كراكيب
وهذا هو عنوان الجروب
http://www.facebook.com/group.php?gid=9920717558
Share

كريم بهي said...

ستعووووود
قلبى بيقولى انها هاتعود
مش هتقدر تقاوم عشقها للقلم صدقنى د زين
انا بحبها اوى ودايما بقرالها لانها حكيمة اوى
ياااارب ترجع

ياريت تزورنى محتاج رأيك

كريم بهي

Anonymous said...

العزيزة جدا جدا نهى محمود
صاحبة كراكيب
صاحبة مكعات الرخام
التي قرأتها واحببتها واحسستها
من هنا
من صفحة تسابيح للصديق الغالي والعزيز د.زين
اناشدك العودة ،، انا وكل محبي نهى محمود
حبيبتي
عودي بتعاويذك السحرية .. التي منحتني احداها قبل حين ..
عودي بكل قديمك الذي احتوانا واستوعبناه واحببناه
بكل جديدك الذي نتماناه ونحن في اشد الانتظار اليه
صغيرتي نهى المدلله .. يكفيكي دلالا وعودي سريعا فمحبوك يحتملون منك الكثير إلا ان تذهبي هناك ولا تعودي

سنعتبرها نحن لك مجرد مهادنة وليس رحيلا كاملا .. ثورة غاضبة اعلنتها علينا اولا قبل ان تعلنيها على نفسك الرقيقة جدا

نهى الرائعة : هل نقبل كفيك مولاتي حتى تعودي ؟؟؟ان كان ذلك ما سيعيدك الينا والى ساحتك التي كنا نحتمي بها .. فهو لك سيدتي ،، وانت حقا تستحقه

كوني أقوى .. وتأكدي ان يوما قادما احلى .. يوم يكون للحظات الياس التي تغزونا ثغور اخرى تهرب هي منها سريعا قبل ان نقتلها بدلا من ان تمارس هي علينا قهرها المميت

نهى : عودي بقوتك وامنحينا بعضا منها فنحن بالله في اشد الاحتياج لعودتك قوية ، سالمة ، متسامحة مع الاخرين ، ومعع نفسك في اسمى ايات التصالح

لك دائما تحياتي
لقلبك ، لقلمك
لكل ماكتبت وانا قرأت
لكل ما كتبت ولم اقرأ
ولكل ما تسمتعين به ناظري وفكري وروحي ايتها النهنوهة الرقيقة

عضو جمعية محبي نهى محمود

شكرا لك سيدي على احتواءك على الدوام ولك انت أيها الحنون كل الحب والود والاحترام
والتحايا

كراكيب نـهـى مـحمود said...

د - زين
كتير اوي اوي عليا الكلام ده
شكرا لك جد كل التقدير والمعزة لك
اصدقائي الاعزاء شكرا لكم وردتي الروز صارت بستانا فواحا تملئه قلوبكم المحبة شكرا ووو عدنا وكده

_ زين_ said...

العزيزة عين
إنها عائدة ..
قالت ذلك في صمت حنون
تحياتي واحترامي

_ زين_ said...

العزيزة سهر
مين مابيحبش نهى؟
أمال لو قابلتيها بقى وقعدتى معاها..شخصيا فشلت في ذلك مرتان
خالص تحياتي وتمنياتي

_ زين_ said...

العزيزة نبضات
تحية لقلمك..ومؤكد إن نهى بعد ماتسمع الكلام هاتحس بالجريمة التي ارتكبها الآخرون ليمنعوها من التدوين
..تحياتي واحترامي

_ زين_ said...

الأخ محمد فيروز
مش كده ولا إيه.وأهلا بك في عالمنا غير المرئي..وشكرا لصوتك..وأهو يانهى ناس بتحبك من آخر الدنيا..عايزه إيه بقى!
تحياتي واحترامي

_ زين_ said...

هنا
حتى هنا أهو بتقولك إرجعي.
انا عارف إنك قولتيلي في التليفون امس انك راجعة النهارده او بكره..بس التدوين من غيرك ناقص روحه
تحياتي ياهنا

_ زين_ said...

فاوست العزيز
يعني الراجل عمل كل حاجه زهايقطع هدومه خلاص.. وأثبت إنه واحد من المخلصين ليكي فعلا.. والخلاف مع فاوست لذيذ لإن دماغه حلوة..
صباح الموز الكولومبي
تحياتي وتقديري

_ زين_ said...

الشاعر الصغير الجميل كريم
يعني بنحاول نقولها حبايبك كتير..مش كده ولا إيه..هاأعدي عليك ماتقلقش
تحياتي واحترامي

_ زين_ said...

العزيزه نورسين
عندها حته من تعاويذك ياريت ترجعي علشان تكملوا قصور الأحلام وتلملموا شتات السحرة سوى
خالص تحياتي وتمنياتي

_ زين_ said...

العزيزة نهى صاحبة الكراكيب الزرقاء..
يعني طبعا مش عارف أقولك إيه..كنت قلقان والشعب قلقان حتى الأمم المتحدة كانت قلقانه..ومظاهرات وأغاني وطنية لعودة أحد أوطان المدونات العربية..أنا عارف إنك هاترجعي وزي ماقلتلك..ماينفعش تكوني انتي اللى بتشجعي الناس على الكتابة وبعدين انتي تقفي..ينفع ده ياأستاذ..ينفع؟؟
خالص محبتي وأهلا بعودتك مرة أخرى أيها الصديقة العزيزة

shreen said...

انا لم ادخل على مدونة نهى
لكنى اضم صوتى لصوتك يا زين
ما معنى ان الغرض من المدونه قد نفذ
لا يمكن للانسان ان فقط يكف عن الكتابه

الكتابه كالدمع
نشارك بها الاحزان
والافراح

نهى
ارجعى لاصدقائك
اللى حبوك

منتهى الانانيه انك تاخدى قرار زى ده وتنفذيه من غير ما تستشرى حد
مدونتك
منذ ان اصبح لها زائرين
لم تعد ملك لك وحدك
لابد لقرار كهذا
ان يكون عن طريق المشاركه
وليس قرارا فرديا