April 27, 2008

وهم المتجوزين عملوا إيه؟



من المواقف
اللي مش طريفة خالص
انك تضطر أحيانا ترد على مكالمات من النوع الحريمي
خصوصا قبل ماتروح البيت
المهم تنسى المكالمات
وتروح تتغدى وتنام
وهى - المدام طبعا- بشوشة في وشك وعادي خالص
والعيال بيجروا وبيلعبوا..
وحماتك اديتك تليفون جميل وقالتلك يابني وياعينية؟
حلو كده..
فجأة تلاقي اللي بيزغدك في جنبك وانت نايم
تفتح عينيك وتقوم تفز من النوم تلاقيها قدامك
خير يامدام
مين دي اللي اسمها سوسو اللي على موجودةعلى التليفون بتاعك
سوسو مين
هي بغيظ طبعا، مانت أصلك بتستهبل - في نظرها طبعا-
أهو بص
تبص انت في الموبايل وطبعا مانتش شايف حاجة
مانت كنت نايم؟
وتحلف بكل اللي ماتوا لك انك ماكلمت واحدة اسمها سوسو
بس على مين ياحلو
انت كلمت سوسو؟
كلمت سوسو ولا ماكلمتهاش؟
تقدر تنكر؟
وينتهي الموضوع وهي بتأكد على الحكاية..
إنك تعرف واحدة اسمها سوسو..
زمان كانت الزوجة هي اللي بتروح لأمها مش كده؟
طبعا انت عارف مين اللي بيروح لأمه دلوقت؟
قابلني لو هاتفلح!!

- مقتبس من بلوج جديد كنت ناوي افتحة وبعدين لقيت الأفضل كله يفضل في تسابيح

13 comments:

hamsaa said...

من بستان الحب والحياة ابعث اليك بكل زهور هذا الربيع لتملاء حياتك بالبهجة والامل والحياة
كل عيد ربيع وانت بالف خير
البلوجر فيه تعديل لسه ظازجة جميلة جدا منظر الغروب روعة والصور كمان وبصفة خاصة العنصر النسائي الموجود والمتمثل في فيروز والكلمات التي توجد اعلي كل منهم ايضا
البوست جميل ومتفقه معاك ان الستات بتعمل كدة واكثر لكن الراجل هو اللي غلطان لانه هو بيترك اثر وراءه يعني كان ممكن يمسح الرقم بتاع سوسو ولا يكتب سيد بدل سوسو او اي حاجة من من دي .الايام دي في موضة جديدة ظهرت ان في ستات بتنش و في رجالة اتجهت نفس الاتجاة في السؤال عن اصحاب الرسائل والمكالمات عند ستتهم والاصل في السؤال سنه وشكله
واكتر من كدة لا
يعني لو حد مش حلو مش مهم تكلمه ولو اصغي مش هتفرق اهو كل واحد وطريقته
تحياتي اليك
همسه

فاتيما said...

لأ بقى
هما من ناحية عملوا فهما عملوا كتير يا دكتور
يعنى لما يسجلوا على الموبايل نمرة سوسو و يسيبوها كدا بكل إستبياع تقوم الست سوسو لما تتصل إسمها يظهر و المدام تشوفه يبقى علموا كتير بقى
يا دكتور انا متفقة مع همسة
ليه حضرتك متشيلش النمرة و تريح دماغ المدام قبل دماغك
و بعدين يعنى هيا لو مكنتش بتحبك جدا زى ما هو واضح - اللهم لا حسد ربنا يهدى سركم - كانت يعنى غارت عليك كدا و إهتمت لدرجة انها تصحيك من النوم قفش كدا و أنا بخمن إن حضرتك زيى كدا بتحب النوم قوى عشان عزيز و بييجى بالعافية
رفقا بالزوجات يا دكتور
طب اللى عملته المدام دا
أحلى صباح حب و انت موش واخد بالك و الله
تحياتى يا غالى

زين said...

همسة
شكرا على التهنئة
وكل سنة وانتى طيبة
الحياة كده
أخطاء لابد منها
كي نصبح أكثر قسوة
"كي تصبح أشد قسوة"
معلش
خليها على الله
تحياتي

زين said...

فاطمة الأم الجميلة
ضحكت بجد على تعليقك
وبعدين ضحكت جامد
وبعدين وقعت من على الكرسي
وبعدين ماتقلقيش دي حكايات من بعض الأصدقاء
بس طبعا يعني مش عارف
ده ممكن يكون إزاي أحلى صباح
صباح الفل
وصباح الجمال

dodda said...

كان ليه سؤال بس عند حضرتك اجابته
هو لسه فى ستات دلعهم سوسو
فى حاله تستاهل ان المدام تزغد عشانها؟؟؟؟
عموما انا كل يوم امسك موبايل اللفندى بتاعى واسأله مين سالى دى؟؟؟
وكل مره تطلع بنت خاله!!!!

Ahmed Mubarak said...

احم احم .. خشول برجلكم اليمين

بتفكرني بالمسرحيه بتاعة مدرسه المشاغبين
"
بتحطك نفسك في مواقف بايخاااااه
"

بس انا ضخكت من القلب ..

تحياتي

Ahmed Mubarak said...

بتفكرني بالمرسحيه بتاعه مدرسه المشاغبين

"
بتحط نفسك في مواقف بايخااااااااه
"

بس ضحكتني من القلب

تحياتي

fawest said...

فى مشهد رائع من فسلم سيده القصر
بتاع فاتن حمامه و عمر الشريف
فكرنى بيه همسه وفاتيما

لما فاتن و عمر بيرقصوا فى الحفل بتاع راس السنه

هقول الحوار بتصرف
واحده من الحفله بتكم التانيه وتقولها
" هى دى أمال المتزمته؟؟؟"-
"شوفتى ياختى اتمدينت أه وبترقص وتحب -كمان"
" -حلو، بس متمدينتش كفايه عشان تعرف تخبى"

هههههههههههههاااااااااا
اتمدن بقى يا دكتور
التمدن دلوقت بقى خداع وزيف
لا مكان للبراءه

تحياتى لعلم اللوع
بتاع عمنا جاهين

زين said...

العزيزة دودا
سوسو وسالي وسومة
أهي كلها اسماء
أقولك يعني هو الشك مطلوب والغيرة جميلة
بس مش قوى كده
مش كل حاجة بتحصل على الموبايل
يبقى فيها إننننه
عديها المرادي
تحياتي وتمنياتي

زين said...

أحمد باشا مبارك باشا
نورت يازعيم
خش بي رجل هي آخرتها إيه يعني
نورت ياصديقي
تحياتي

زين said...

العزيز طاها
نورتني والله يابو طاها
واحشني من زمان زكنت متألق في الندوة بأفكارك واقتباساتك
أما علم اللوع فقصاده هاتلاقي أبو العلامات
هو لوع ولا أكتر
نورت ياصديقي

أخصائي معلومات مفروس من عصر العولمة said...

الأستاذ الدكتور/ زين عبد الهادي
تحية طيبة لشاعر المكتبات و المعلومات العربية
لقد سعدنا بلقاء سيادتكم الكريم في دولة الإمارات العربية المتحدة و ياله من لقاء ننتظره بشوق كل فترة لما حضرتك بتهل علينا هنا زي هلال العيد ربنا يخليك لينا و تفضل منور و عالي في سماء العالم العربي و الغربي ياراعي المعلوماتيين العرب الشباب و عميدهم علي طول الزمان، لأن الجلسة مع سيادتكم مع انها قصيرة بس انا بحب التزم الصمت فيها لأملاء اذناي بكلام حضرتك لأنها بالنسبة ليا تعتبر تأريخ لحياتي لمدة زمنية ليست بالقصيرة أطال الله عمرك و متعك بوافر الصحة و زادك الله من عطاءه في كل مناحي الحياة العلمية و العملية
لقد مرت فترة حضور سيادتكم في الإمارات زي العيد علينا و الواحد كان عايز يحبس الوقت في سجن ما يخرجش منه أبدا علشان تظل معنا أكبر فترة ممكنة لكن نعمل ايه بقا للتوقيت و عقارب الساعة الي بتدور
بس بصبر نفسى و أقول إن شاء الله يتفضل بزيارتنا مرة أخري و نقابل حضرتك و نسمع منك تاني ما يملاء صدورنا بالأمل في بكره
و لي تعليق صغير علي المقولة الجميلة المسماه (هما المتجوزين عملوا ايه)

أساسا هما الخاطبين عملوا ايه يعنى تلاقي الخطيبة كبسه علي نفس خطيبها طول فترة الحطوبة و كلمت و روحت فين وال ايه بتحبه و بتغير عليه
و الى مش فهمه انها بتحلق عليه علشان العريس ما يطيرش منها هو حد لاقي عرسان ف الزمن ده و كله كوم و موضوع الرد علي المحمول و تقوله ما تردش علي بنات وانتى معايا و حتي ولو كانوا زميلاته ف الشغل وتقوله بغير عليك
و تقعد تفتش في النمر الى علي الموبايل و تشيل كل النمر و هي مش مدركة ان ممكن تكون نمر سيدات في شغل تاني و تقعد ضاربة بوز أجارك الله ما تقولش شبرين لانه أكيد اطول و تقعد تحلف و تصالح فيها كانك انتا الي غلطان و ارتكبت كبيرة من الكبائر و يرجع الواد علي بيتهم و مايرجعش غير بولي أمره طبعا في العصر الحالي مش أبوه ولا امه علي العكس تماما لازم يرجع بهديه شيك و يقعد أبوها و أمه يبستف في الواد كأنه خاطب السفيرة عزيزه
مع تحبات أخصائى معلومات مفروس من عصر العولمة
و تحياتي إلي الأب الروحي لجيل المعلوماتين الشبان
و أهدي تصريح جميل للأزواج لمحاولة الخروج من البيت و صلني علي الميل
و ألي لقاء أخر مع الأزواج و الخاطبين المغلوبين علي أمرهم و طبعا مش أنا

طلب تصريح خروج من المنزل رقم ( )

زوجتي الحبيبة؛؛؛؛؛؛؛

إنا زوجك الموقع أدناه، و اسمي هو -------------------------------------------

أرجو منكم موافقتكم الكريمة على طلب تصريح خروجي من المنزل في

يوم: ----------- الموافق --- / --- / ---- من الساعة ------ إلى الساعة ------

وذلك للأسباب التالية:-

1- ----------------------------------------------------------------------------

2- ----------------------------------------------------------------------------

3- ----------------------------------------------------------------------------

كما أتعهد لكم بصفتكم السلطة العليا بالمنزل بالعودة في الوقت المحدد حسب التصريح

متحملاً أية عقوبة تنص عليها لائحة العقوبات أدناه.



خاص للاستعمال الرسمي ( الزوجة فقط )

بعد الإطلاع على طلب تصريح الخروج من المنزل والمقدم من زوجنا الحبيب

وبالنظر إلى مبررات الخروج أعلاه، وملف زوجنا الحبيب، ولائحة العقوبات أدناه

أمرنا نحن الزوجة ----------------------وبصفتنا السلطة الداخلية العليا للمنزل بالاتي:

¦ بالموافقة على طلب تصريح الخروج من المنزل والمقدم من زوجنا الحبيب

¦ بعدم الموافقة على طلب تصريح الخروج للأسباب التالية:-

r لسريان تنفيذ البند رقم ( ) من لائحة العقوبات أدناه

r لطلبنا منه الجلوس عند الأطفال عند خروجنا من المنزل

r نظراً لتجاوزه الحد الأعلى من التصاريح

r لمخالفته لأوامرنا

r مزاجنا هذا اليوم ليس مؤهل للسماح بخروج زوجنا

r لأناقته الزائدة عن اللزوم عند الخروج



التوقيع ( الزوجة ) : ----------------------- التاريخ --- / --- / ------ هـ



لائحة العقوبات


بند 1 – نوم انفرادي وبدون عشاء ولمدة ( ) يوم
بند 5 – قطع المصروف اليومي ولمدة ( ) يوم


بند 2 – حرمان من الحقوق الزوجية ولمدة ( ) يوم
بند 6 – منع المكالمات الهاتفية في المنزل ولمدة ( ) يوم


بند 3 – العبوس صباحاً والتكشير مساءً ولمدة ( ) يوم
بند 7 – سحب النقال ولمدة ( ) يوم


بند 4- توصيل الأطفال من وإلى المدرسة ولمدة( ) يوم
بند 8 – زيارة أم الزوجة يومياً ولمدة ( ) يوم


بند 9 – المنع من مشاهدة القنوات الفضائية ( المستقبل + LBC ) ويلزم مشاهدة القناة السودانية ولمدة ( ) يوم

Aya 3fify said...

طبيعى اى واحده هتلاقى عل موبيل جوزها اسم واحده غريبه هتساله بدافع الغيره

زى مابرضو لو واحده بتشتغل وفمجال عمالها بتتعامل مع رجاله

يوم لما جوزها يلاقى اسم عباس ولا عتريس عل موبيلها هيسالها مين هو ويمكن باسلوب اجمد كمان عنماهى بتساله

مش هيروح ويقول لعباس اهلا وسهلا من غير مايعرف مين دول