April 29, 2008

مروه ناجي..تذكروا هذا الإسم جيدا


مروه ناجي شابة مصرية جميلة
من بساطتها يمكن لعينك أن تعبرها دون توقف
متى تتوقف
حين تسمع صوتها
إنها أم كلثوم الجديدة
بالصدفة..الصدفة البحتة قادتني لساقية الصاوي
كانت تخيم على كآبة عادية للغاية مثل التي تخيم عليكم أيضا فلاتعلمون إلى اين المسير؟
لقيت نفسي في ساقية الصاوي بالليل
قعدت سمعتها
تحفة
تحفة إلهية
أم كلثوم على ليلى مراد على ورده حاجة كده من بتوع زمان
وبرضه من بتوع دلوقتى الجمال زي شيرين كده
المهم
الحكاية ومافيها إنها أطربتني حتى النخاع
حفلتها القادمة في مايو في الساقية أيضا
يمكنكم الحكم..هاتلاقوا جمهور كتير
بس فعلا
موهبة بجد
تحياتي
وأهو كله فن

9 comments:

كراكيب نـهـى مـحمود said...

ساقية الصاوي ومروة ناجي ومايو وقع بقى على اقوالك يا دكتور
صباحك فل

كلمــــــــــــــــة حـــــــق said...

السلام عليكم

المدونة وحشتنى جدا .
اما بقى عن الغنا والطرب الاصيل فهو موجود وكتير بس ناقصة الفرصة لان الفن اللى لية الفرصة دلوقتى هو فن الجسد وراقصات فى صور مغنيات وعشان كدة تلاقى مثلا فى الاوبرا اصوات شابة مصرية تحفة لكن مغمورة منهم بنت اسمها مى صوتها حكاية بجد
بعدين فى مشكلة ناس زيى مايقدروش يروحوا ساقية الصاوى يعملوا اية ؟؟؟ عموما باذن الله هسمعها.

فى اوقات كتير الواحد بيبقى مخنوق وماشى ومش عارف فين طريقة بس فى الاخر بيوصل لمكان يريحة وينفس عنة همومة

رئـــــيسـة حزب الأحلام said...

انتى باين عليكى غاوية طرب

فاتيما said...

ربنا يوفقها و تنقذنا من طوفان السخافات اللى مالى القنوان الغنائية و مضطرين نسمعه غصب عننا
و المهم إنك أتسلطنت
و تحياتى لكل عاشق للغنوة الحلوة
و الصوت الحلو
و الكلام الحلو

زين said...

العزيزة نهى
أنا موقع من أول يوم ياباشا
صباح الجمال

زين said...

كلمة حق
واللهي وانتي وحشتيها أكتر
على العموم المشي مفيد من أكتر من ناحية
وأحسن علاج للاكتئاب المزمن اللي عندنا
وبالنسبة لمي فأنا عارفها وسامعها يوما سأكتب عنها
خالص محبتي

زين said...

رئيسة عزب الأحلام
أشكرك على تعليقك الموجه إما لإمرأة أو لواحد سوداني
انتي هلوه قوي
صباح الفل

زين said...

فاطمطم الجميلة
مش كده والنبي
صباح السلطنة

أخصائي معلومات مفروس من عصر العولمة said...

تحية طيبة إلي كل قلم مصري لسه بيكتب علي السطور كلمه تفرح الصدور، تحياتي لكل كلمة تعبر عن الشعب المقهور
تحياتي لكل ناس بتقول كلمة حلوة للناس تفرح الناس
و تشيل الكأبة من صدورهم
و حضرتك يا دكتور زين تستحق أكبر تقدير من كل الناس
تقبل تحياتي القليلة الكلمات و التي أرجو أن تعبر عما يختلج في صدري من احترام و تقدير لسيادتكم