المدونين حزب راديكالي جديد في مصر..
مصر اللي بنحبها كلنا ومكويين بنار حبها..مصر اللي بنحبها وبنحلم بيها..
لو افترضنا ان مطلوب مننا نشارك بشكل منظم في بناء نهضة مصر..ونكون حزب مثلا
فهل أنتم مع تكوين هذا الحزب أم ضده:
1-نعم .. أنا مع تكوين حزب من الشباب فقط المثقف
2- لأ..لست مع الفكرة لأسباب خاصة
3- شوفلك حاجه تاني إحنا مالناش في الكلام ده كفاية نتكلم
وممكن تبعتوا لكل الناس تسألوهم
بس حاجه بسيطه خالص
تحياتي
Posts
8 comments:
انا لسه جايه يادكتور من حفل التوقيع لكتب المدونين للجيب وكنت سعيده جدا بهذا اللقاء وسعيده بكلامى مع كتير من المدونات والمدونين ...جميل ان الانسان يلاقى ناس بتهتم بالثقافه ولها فكر فى الحياه مش بتاكل وتشرب وعايشه وبس بجد شباب يفرح القلب خصوصا مع انتشار فيروس الفوضى والاسفاف فى كل شىء فى حياتنا الان وانتشار وجود شخصيات سطحيه وليس لها اى معرفه فى الحياه غير الكوره والاغانى والافلام ناس بتهتم بحاجات كتير الا ببناء عقالها وفكرها وثروتها الحقيقيه وزينتها. مع ان الثقافه شىء متعب فى هذا الزمن فكلما زادت ثقافه الانسان كلما زاد عنائه فى الحياه وكما قال الشاعر ذو علم بعلمه يشقى وذو جهلا بجهله ينعم
ولكن بكون سعيده كتيررر لما بجد ناس بتهتم بالثقافه وبتهتم ببناء عقلها ولها فكر فى الحياه وزاويه خاصه بتنظر بيها لتكوين اراء خاصه عن كل شىء حولها لانها زى ما ان تكون مثقف شىء متعب الا انها فى نفس الوقت متعه جميله حاله مختلفه بتضيف لمسات للشخصيه وبتساعد الانسان كتير فى اسلوب تفكيره واخده لقرارات حياته
وبعد التعليق الطويل جدا دا ...بقول انى .. مع تكوين حزب من الشباب فقط المثقف وعن طريق هذا الحزب ممكن يكون دعوه لاى انسان خصوصا الشباب الصغير اللى لسه فى فتره تشكيل شخصيته لجذبه لهذا الحزب الجميل ولكل من بداخله بذره لان يكون انسان مثقف وله فكر فى الحياه وانتشاله من ان يكون شباب غير مثقف وسطحى وحمايته من ان يكون عرضه للاصابه بفيروسات هذا الزمن المختلفه . بس كنت عاوزه اسال يعنى ايه كلمه راديكالى عشان بس مش بكون بعلق على حاجه مش فاهمه معناها
على فكره ...اخيرا شفت فاتيما فى الحفله وكنت سعيده بالحظات اللى قضتها فى الكلام معاها وان كانت قليله
تحياتى
اسفه جدا للاطاله
أنا مع انه يتكون حزب من الشباب المثقفين
والغير المثقفينلو عندهم استعداد انهم يكونوا ثقافه عندهم مافيش مانع والمفروض الكل يساعدهم
العزيز د زين
كان ده رأيى انا كمان لحد امبارح ما رحت عمر بوك ستور
لان من اراد ان يكون مدونا..يصل الى هذا المنصب
بمجرد الضغط على زر
(enter)
كلمه حزب تصيبنى بالحكه
فما بالك براديكالى؟؟
دمت با دكتر مع انى اكتشفت انك من دمياط مش من بورسعيد
:)
مش حقول ليه بقى خلى الطابق مستور
العزيزه نبضات
انشغالي في نجاح تسابيح نساني كل حاجه
اشكرك على تعليقك الهايل
وكنت سعيد للغاية بالقائكم مع بعض في حفل التوقيع
انا اللي ماقدرتش آجي بسبب ارتباطاتي المسبقة
وفاتيما انسان جميل جدا كله مشاعر واحاسيس واعتقد اانكم هاتبقوا أو بقيتوا وستظلوا أصدقاء في غاية الجمال
راديكالي يعني تقدمي أو بشكل أبسط متمرد
وده مصطلح تم استخدامه للتعبير عن الفئات التي تقود التقدم في أي دوله دون الالتزام بأفكار اليمين المحافظ وغالبا هم يساريين ولكن ليس لحد التطرف
أرجو أن تكون وصلت
تحياتي ومحبتي الدائمة
العزيزه آيه انا مش فارضها فقط على شباب المثقفين لكن باعتقد انهم الاساس في الموضوع، ولم شمل الجميع بيكون واحد من الأهداف التالية
وانا معاكي
تحياتي وتمنياتي
العزيزه دودا
بس تعديل صغير.. أنا مش هاقولك أنا منين
والحزب والحكه أمر طبيعي
بس الحياة السياسية والديمقراطيه من غير نظام وأحزاب تبقى تهريج..لأن التغيير في الحالة دي بيبقى غير مؤسسي
الأحزاب بتضمن محاسبة الآخرين..هي المشكلة عندنا إن أحزاب المعارضه ضعيفه والشارع غير مهتم بيها لأسباب كتير
تعديل تاني
مش هادافع عن نفسي
لكن اديني سبب واحد يخليكي تقولي ده..
واضح انك ماتعرفنيش كفايه
عموما
خالص محبتي واحترامي لرأيك
صباح معطر بالورد والياسمين
شكرا لتوضيح المعلومه ....ووووصلت يادكتور وكنت حكون سعيده لو سمحت ظروفك و نورتنا فى حفل التوقيع عموما فرصه اخرى باذن الله
تحياتى
بم تك بم
بم تك بم
انشاء الله أقرب حفلة توقيع جماعي هاجي بس ادعي ماكونش بره مصر
وصباح البوم تك بوم
Post a Comment