نزولا على رغبة الجماهير العظيمة - ماعرفش ليه يعني- نقدم اليوم تهنئة كبيرة قوي لإبنتنا الجميلة الصغيرة تسابيح على نجاحها الباهر الذي حققته في أصعب سنوات الحياة الدراسية وانتوا عارفينها طبعا..
لأ مش ثانوية عامة
الأصعب
أولى ابتدائي يابهوات بتقدير اكسلنت
هي قالتلي اكسلان يابابي
وطبعا لأني مش ابن ذوات مافهمتش حاجه
المهم خرجنا وجبنا عروسه كبيييييره قوي
عملتلها زحمة عالسرير
وتعالى شيل يابابي
طيييييييط
افرحوا ياولاد
Posts
28 comments:
الف مبروك وعقبال يارب الثانوية العامة ومن غير نقاش كدة اكيد اولي ابتدائي اصعب سنوات العمر مش تلات مواد برده الله يكون في عونها البنت تعبت علي الاخر
عارف بتفكرني بشهادة دبلوم الحضانة اللي كانت المدرسة بتسلمهنا في ابتدائي في حفل تخرج كبير وكنا بنلبس نفس ذي التخرج الخاص بالجامعة المهم الشهادة دي تفتكر كان موقعها فين في البيت فين ؟ تحت المرتبة بتاعت السرير والله ولحد دلوقتي لكن في بيت صحبتي اللي اخوها عمره الان ثلاثين سنة كانوا معلقنها وشهادة الجامعة ملهاش وجود في البيت عندهم ساعتها بس حسيت ان الشهادة دي كبيرة قوي دي دبلوم الحضانة مش اي كلام يعني
ربنا يخليهالك وتشوف ولادها وهما بيتخرجوا من الجامعة يارب
همسة حب
صباح معطر بالورد والياسمين
الف مبررروك لأميرتنا الصغيرة والجميله ....تسابيح على
اجتياز أولى الاختبارات فى حياتها الدراسيه بتقدير اكسلنت وامتحان اولى ابتدائى مش حاجه سهله برده كفايه احساسها وهى منتظره ورقه الاسئله لاول مره فى حياتها هذا الاحساس المميز جدا بالنسبه لى والمشاعر الغريبه والمرعبه ديه بتاعت الامتحانات انا حاولت افتكر مشاعرى فى امتحانات اولى ابتدائى او حتى تقديرى مش افتكرت خالص
ويباختها بالعروسه الجديده عشان انا بحب العرايس والدباديب جدااوان لها اب مثل حضرتك انامش بحقد عليها انا بحسدها بس
انا حاولت أخمن من هى فى الصوره وتوصلت اخيراا انها تقريبا اللى لبسه روز بس يارب تخمينى يكون صحيح شكلها عسوله جدا ودمها خفيف
ربنا يخليها لك وتشوفها زى ماتتمنى واكتر ويبارك لك فيها وتكون دائما من المتفوقين والمتميزين وليس من الفشله زى حالتنا
تحياتى لك ولأميرتنا الصغيره
مشاء الله امورة قوى تسابيخ يارب يخليهلك و تفرخ بيها
و اللف مبروك على النجاح و على العروسه هو اصعب المراحل هى اولى ابتدائى هى بدايه النجاح و يارب نجاح على طول
و عقبال ثانويه عامه
ساميه الوكيل
]ااه اخيرا الحلم اتحقق
واكسلانت كمان صحيح يا ولاد لكل مجتهد نصيب عروسة يلا عقبال العريس
مبروك يا ابو تسابيح خالص فرحتي فعلا
مبروك لتسابيح يا دكتور وعقبال
الدكتوراة ...
بس ياااااااه الأيام بتمر بسرعة
ده أنا حاسة انى واخدة سبوعك أمس
ولسة محتفظة بالشمعدانة الجميلة بتاعة سبوعك....مبروك يا تسابيج يا جميلة
تحياتى ومودتى
شكرا ياهمسه
شهادة الكي جي
وشهادة أولى
وصور التخرج
متعلقين على الحيطة بره البيت
:-)
ربنا يخليكي
تك تم بم
نبضات
ميرسي ياقمر
والله انت عرفتيها لوحدك
هي بتاعت الروز دي
وبعدين احنا ممكن نوصل عروسات (حسب مابتقول هي)
لحد المنازل
صباحك ومساك فل وورد وياسمين ونعناع
واتفضلي معانا شاي
تحياتي وتمنياتي
طنط ساميه
بتمسي عليكي ياتوت
وبتقولك كلام حلو قوي
بتقولك ميرسي ياطنط
وعقبال كل سنه
تحياتي وتمنياتي
العزيزه نهى
هي عارفاكي ينهنوه من الصور بتاعتك
وطبعا هي كلبوظه خالص وابتدت تمارين الباليه مش عارف ازاي
يللا كل حاجه ممكنا في هذا القرن
صباح الفل ياجميل
العزيزه أمونه
مش كده برضه
العيال دي بتكبرنا
نفس احساي ياأمونه
عقبال ماتعدي كده زيها
خالص محبتي
مبروك يا دكتور
و المرة دى جبت لها عروسة
عقبال ما تجيبلها فستان العروسة
و لا إستنى
دا بيبقى على العريس ...
موش مهم على مين ..
المهم البونية متتوكسشى زينا
و تشوفها دكتورة قد الدنيا و زى باباها الغالى
بوسهالى و النبى بوسة مخصوص بتاعتى لوحدى موش وسط قبلات الصباح المعتادة
الكابت اللواء الطيار الفريق والمشير فاطمه
حصل يازعيم
صباح الصباح عليكي وعلى جو
وبعدين احنا مش في العرسان دلوقت
احنا في العرايس اللي ماليين الأوضه بتاعتها
مابقتش عارف أخشها
صبحك جميل
محبتي
الف الف مبروك
عقبال شهادة التخرج نتمنى النجاح دوماً
تحياتى
هانى يس
نتشرف بزيارتكم مدونتى
hanyyassinblog.blogspot.com
ألف مبروك يا دكتور
على اجتياز تسابيح المرحلة التاريخية دي..والصورة دي حلوة أوي
خلتني أفكر لما السنين تمر ويكبروا ويشوفوا الصورة تاني هايكون احساسهم ايه؟ تحديدا وهما في ثانوية عامة
ولا يمكن ساعتها يكون حال التعليم اتغير ويضحكوا في صورة تانية زيها
يارب تفرح بيها دايما
وعلى فكرة حضرتك كمان تاخد لقب أب إكسلانت
:)
شكرا ياهاني
وهازورك قريبا انشاء الله
خالص تحياتي
العزيزه جدا مي بهاااااء
خالص تحياتي
وانت صديقه اكسلانت برضه
تسابيحخ بتقولك يامسز انشاء الله مش هاتنسى
هو بصراحه انا مش عارف مين اللي هاينسى بالظبط
خالص محبتي
الف مبروك لتسابيح و عقبال لما تتخرج من الجامعة ان شاء الله
و طبعا عقبال الفرقة التمهيدية مكتبات حلوان
يارب بس النجاح
شكرا يامنى
وأكيد أكيد
ربنا يسهل
تحياتي
مبروك وعقبال الثانويه
ومستنين البيبسى يادكتور:D
مبروك ياتوتا ياقمر
عقبال الدكتوراه ياروحي وتفرحي بابا وماما ويشوفوكي عروسه زي القمر
اختك هند
تحياتي لدكتور زين القمر ويارب يفرحك بيها ويخليهالك وتشوفها اجمل عروسه بس الشهاده الاول طبعا
شكرا ياهند
وعقبالك
وعقبال التخرج
تحياتي وتمنياتي
الف مبروووووووووووووووووووووووووك لتوتة يادكتور وعقبال كل السنين ان شاء الله بتقدير excellent وتتحقق كل احلامك فيها ان شاء الله
مبرووووووووووووووووووك
تلميذتك
آيوتة
مساء الورد والفل والياسمين
مبروك يا دكتور تخرج تسابيح انشاء الله تشفها زى ما بتتمنى
انت عارف لما بنتى اتخرجت من الكى جى 3
عيط وانا شيفاها فى الروب الازرق والكاب
ربنا يخليهالك
هههههههه
طيب انا عرفتها لوحدي
روز روز روز
زي السكر ربنا يحميها يارب ويباركلك فيها
وتفرح بتخرجها بكالريوس ثانوية عامه مجموع محصلش
وتدخل طب تبقى ضاكتوره جد الدنيا زي واحده صحبتنا معرفهاش ولاعمري شفتها
ربنا يخليهالك يارب ويبارك فيها
فين بقى الحاجه الساقعه
word verfication
pwxszcb
أيوته الجميله
تسابيح بتسلم عليكي وبتشكرك
وبتقولك عقبالك
هاهاهاها
ميرسي ياقمر
العزيزه أشرقت
إحنا مستنيين بنوتك بقى في أولى ابتدائي الدنيا هناك أحسن من الكي جي
ونورتينا
صباح الجمال
لماضه ماضه اضه ضه ه..
ده صدى صوت تسابيح
أصلها واقفه في فرح بلدي بتوزع شربات (إنطقي كلمة شربات زي الاسكندرانيه لأنها بتبقى مختلفة تماما، عامله زي ريا وسكينه وهي بتقول تشربي الشربات ياشابه)
وحشتينا يالماضه والله
وميرسي ليكي إحنا عائله مالهاش في الطب لأننا بنخاف لامؤاخذه
احنا بتوع الأدب
هي عاوزه تطلع زي بابي كده وتكتب روايات وكل يوم تفقعني رواية جامده
صباح الفل
الف مبروك لتسابيح يا دكتور زين
يارب تشوفها زى ما تتمنى
انابحب اسم تسابيح جدا دا كان هيبقى اسم بنتى ربنا يخليهالك
انا لمابنتى اتخرجت من الكى جى 3 وشفتها لبسه الكاب الازرق والروب عيط ربنا يحميهم
بشكرك جدا على تعليقك على مدونتى المتواضعه و واتمنى ان تشرفنى دائما بالزياره
اشرقت
Post a Comment