January 24, 2008

ماذا تسمونه؟!


أن تسمع ضحكة صغيرة جميلة آتية من الفضاء غير المعروف ॥
وأن تسمع موسيقى جميلة عزفت بآلات موسيقية ناعمة مجهولة..
وأن تجد أن عيناك تلمعان بشدة ولا تستطيع السيطرة على مشاعرك التي تتقافز داخلك ككرة مطاطية مصنوعة من الحرير..
أن تتقافزك اللهفة من شاطئ زمردي التكوين إلى شاطئ متوهج بالحنين والعفرته الصغيرة..
أن يحدث كل ذلك..
هل يمكن أن تقل لي ماذا تكون!!
طبعا كله فكر في الحب..
وماله..
لإبنتي تسابيح

11 comments:

فاتيما said...

الغالى د. زين
أنت فى نعمة أغبطك عليها..و أدعو الزمن الأ عنك تزول
أرجو أن تعى تسابيح العزيزة مدى حبك هذا يوما ما لكن بالطريقة العادية و ليس بالطريق الوعر الصعب
ربنا يفرحك بيها
و يجعلك فى حياتها طاقة نور
تحياتى من اعماق القلب

. said...

ربنا يخليهالك
وخمسة وخميسة فعين الحسود
تحياتي

دنيتى الجميله said...

تسابيح
اسم جميل جدا
ربنا يخليهالك وينبتها نبات حسن
وده اسميه طبعا أجمل اسم يمنح للانسان بعد اسمه
والد -اب-بابا
يعنى دنيا تانيه مليانه بالاحلام والسعاده

مي بهاء الدين said...

ياللا يا تسابيح اكبري عشان تقري البوست ده وتعرفي قد إيه بابا في سطور قليلة ...عمل خلطة مشاعر مذهلة
انتي السبب فيها

ربنا يحرسكوا يارب ويخليكوا لبعض
:)

Unknown said...

د\زين اية اخبارك

مبسوطة اوى انى اول تعليق

اجمل حب فى الدنيا هو حب الاب او الام لوالدهم

ودة انا كنت عرفاة من قبل ما اقراة البوست بتاعك

بس بعد ما قريت البوست
اتاكدت ان فعلا اجمل حب فى الدنيا هو حب الام او الاب لوالدهم

وحاسة اد اية اللى ربنا مش نعم عليهم بولاد اد اية هما حظهم وحش اوى بس اكيد ربنا ممكن يعوضهم بحاجات تانية
بس اظن ان ما فيش حاجة ممكن تعوض الواحد انة يسمع كلمة بابا اوماما
انا كمان عينى بتلمع وجوايا مشاعر كتير واكيد مصدرها الحب بس حب من نوع تانى واتمنى ان عينى تلمع اكتر ويبقى جوايا مشاعر اكتر بس من حب تانى وهو حب الامومة

ربنا تخليلك تسابيح وخليك انتا كمان ليها عشان عينك تلمع اكتر واكتر ويبقى جواك حب اكتر واكتر

على فكرة اسمها حلو اوى واى

والاجمل من كل دة الصورة الجميلة اللى بتتكلم عن كل اللى جواك من غير ما تقول ولا كلمة

تحياتى ليك و لتسابيح

MKSARAT - SAYED SAAD said...

صديقى الرقيق
الحب هنا مرحلة ثانية
وليس مرحلة اولي
يسمى هذا
أبوه
تحياتي

_ زين_ said...

فاتيما
سدورة
دنيتي الجميلة
مي عمر
نوراي
مكسرات
الشكر لكم جميعا ، ونفسي والله أشوف تسابيح زيكم، وخمسه وخميسة وكل حاجة حلوة
تحياتي وتمنياتي لكم ولأبنائكم ولبناتكم، واللي مش متجوز أو ماعندوش عيال ربنا يعطيه الهدوء والجمال والأولاد
حبي الدائم

Anonymous said...

تسابيح حبيبتي ربنا يخالهالك يا دكتور وتشوفها احلى عروسة في الدنيا وخلي بالك عليها دي اغلى كنز في الدنيا ويارب اشوف كده بنوتي اميرة زيها كده

نبضات said...

الله الله يادكتور على جمال الكلمات التى تعزفها كاسيلفونيه حب فى حبك لبنوتك ربنا يخليهالك وتشوفها لما تكبر زى مابتتمنى واكتر
انا اول حاجه لفتت نظرى فى مدونة حضرتك اول مادخلتها اسمها وفكرت ايه ياترى سبب تسميتها بهذا الاسم ايه والان عرفت السبب . اجمل حاجه فى الدنيا هى الامومه والابوه لان الاطفال بيكونوا زى الزرعه حيث نغرس فيهم مانؤمن به من افكار واحاسيس ونترقبهم وهم يكبرون

ونفكر ونتخيل الشكل النهائى لزهرة
حياتنا حيكون ايه

تحياتى لك وللأميره الصغيره

_ زين_ said...

سندريللا
نبضات
ويارب أشوفكوا كمان أميرات وملكات وجنيات ..
صباح الفل وهاأوصل الكلام لتوتا انشاء الله
خالص تحياتي

Anonymous said...

نعم
هو الحب
الحب الانقى
الحب الذى لا يشابهه اى حب اخر
الحب فى صورتة الفطريه الخاليه من الانانيه

هو حب الاب لابنته
دامت لك يا د.زين
ودمت لها