February 14, 2008

فالنتين أتى!



إلى جميع الأخوة والأصدقاء
إلى جميع الأحبة العلنيين
إلى جميع الأحبة السريين
إلى الآباء والأبناء والصحبة الطيبة
عيد فالنتين جميل وسعيد مع كل الأحبة
الصورة من :
www.istockphoto.com

14 comments:

MKSARAT SAYED SAAD said...

كل سنة وانت طيب يا بوب
وعيد حب سعيد عليك يا رب
وعليا انا كمان:)
تحياتي

fatima said...

د. زين الغالى
كل عيد وحضرتك بخير..
بس انت موش شايف ان المسألة بقت غريبة قوى..بنحتفل بالحب زى ما بنحتفل بأنتصارات أكتوبر و عيد الفطر و اى عيد تانى... و كأننا بنفكر نفسنا بحاجة نسيانها طول السنة و احيانا طول العمر ..
عيد الحب دا عندى مناسبة حزينة . عشان بتفكرنى ان كانلى فى يوم حبيب غالى ..قلبه دلوقتى ملك يمين واحدة غيرى ..حتى النهاردة حاولت اكلمه بشكل عادى اقوله ازيك ..إستعباط يعنى ولا كأنى مشتاقة اسمع صوته ولا حاجة ..لقيت رسالة مسجلة و هيعاود الاتصال ..ههههه
الحب بقى ذكريات .. وانا قاعدة بجترها زى الجمل بتاع نهى ...
تحياتى

لماضة said...

دكتور زين
happy Zalentine يا افندم
معلش بقى مش بعرف اعدي كده من غير ما اتلامض
كل سنه وحضرتك ومن تحب بخير وصحه
:)

nona said...

السلام عليكم يااجمل د/زين في الدنيا احب اقولك عيد حب سعيد عليك وعلي عائلتك ويارب يحبب فيك كل الناس ويباركلك في اولادك وسلامي وقبلاتي للانسه توتا الكتكوته
تلميذتك هند محمد الاسمعلاوي مكتبات حلوان

maii bahaa said...

إلى راقي الإحساس

إلى من تقطر كلماته حبا بكل المعاني

التهنئة واجبة علينا كأقل تقدير

كل يوم وحضرتك طيب

وتسابيح طيبة

مي
:)

سهر الليالى said...

دكتور زين العزيز
كل عام وانت فى حب دائم من كل من حولك ومن الله سبحانة وتعالى

تحياتى وكل عام وانت بخير

Vague said...

متهيألي
ان الاحتفال باليوم ده حرام
انا صمت اليوم ده لان:
(عبادة في الهرج كهجرة الي)
صدق رسول الله -صلى الله عليه وسلم-

shreen said...

د . زين
Happy Valentine's Day
الان
اضيف تعليقى بعد كلمة المعايده
ربما يحمل هو نوعا من الفلسفه الحمقاء

هل تعتقد حقا ان هذا اليوم هو عيد الحب

بعيدا عن السبب الذى جعلنا نطلق عليه ذلك

الا يحتمل ان يكون هذا اليوم هو يوم الحزن وليس الحب للكثيرين

الاترى معى ان عيد الحب لأى محب
هو يوم يعلن له حبيبه عن حبه هذا

سامحنى ياد . زين

يبدو ان كلماتى تحمل دوما نوعا من السوداويه

او الفلسفه الحمقاء

لعن الله عقلى هذا الذى لا يكف عن التفنيد والتحليل الدائم لكل شئ حوله

تحياتى د. زين
ومره اخرى اعذر سوداويتى وفلسفتى الحمقاء

نبضات said...

كل سنه وحضرتك طيب بمناسبة عيد الحب ولكن عيد الحب فى جميع الوانه واشكاله حب كل البشر لبعض وحب كل شىء جميل فى حياتنا وحب عالم التدوين والصداقه الافتراضيه ... وليس حب المرتبطين فقط
ويارب كل ايامك تكون حب وسعاده

انا فى انتظار ميعاد الندوه الجديد ندوة مكتبة مبارك بتاعت حضرتك بعد ان تاجلت ومتشوقه جدا لحضورها

تحياتى لك وللاميرة الصغيرة

نبضات said...

كل سنه وحضرتك طيب بمناسبة عيد الحب ولكن عيد الحب فى جميع الوانه واشكاله حب كل البشر لبعض وحب كل شىء جميل فى حياتنا وحب عالم التدوين والصداقه الافتراضيه ... وليس حب المرتبطين فقط
ويارب كل ايامك تكون حب وسعاده

انا فى انتظار ميعاد الندوه الجديد ندوة مكتبة مبارك بتاعت حضرتك بعد ان تاجلت ومتشوقه جدا لحضورها

تحياتى لك وللاميرة الصغيرة

horas said...

كل عيد حب وانت بخير
انت وجميع أحبائك
العلنيين منهم والسريين

خالص حبي

نوراى said...

د\زين

اية اخبار حضرتك

يارب تكون بالف خير

بعتذر بششششدة لانى الفترة اللى فاتت مش كنت بزور المدونة بانتظام اسفة جدا بس صدقنى كانت عندى ظروف

اما بقة عن عيد الحب

كل سنة وانتا هايم فى تسابيحك
كل سنة وانتا متالق
كل سنة وانتا مبدع
كل سنة وانتا بتمتعنا بكتاباتك
كل سنة وانتا دائما فى حب
كل سنة وانتا طيب يا د\ زين

تحياتى العميقة لشخصك الكريم

نوراى

المكتبين العرب said...

يامي بتمر بالواحد ظروف لكن الاستسلام وحش قوي و زي ما بيقولوا في مصر ياما دقت علي ‏الراس طبول وخصوصا لما الواحد بيكون أقرع بيكون الضرب علي المخ مباشرة و الوجع ايه ‏ماقولكش مركز جداااااااااا.... قابلت شباب في الغربة كل همه الشرب و النسوان و شباب ‏مرافق و شباب زي الزفت و ال ايه فرحان بنفسه أقوله علي إيه يقولي علي هوه فيه اقوله ‏اتنيل علي شبابك مش هقول مواعظ و حكم لان الاقلام الحبر الي فيها نشف و الحناجر خلاص ‏بطلت تطلع كلام و اعلنت اعتراضها علي النصائح و قالت ماهي خربانه خربانه لكن أرجع و ‏أقول يحيى الشباب العربي من المحيط للخليج عايشين في غيبوبة ولو قولت فيه نماذج مشرفة ‏اسالك سؤال يطلعوا كام من وسط الملايين ياعم د احنا كتير قوي بس نعمل ايه في دنياتنا ما ‏فيش أحسن من قاعدة القهوة و الشللية و معاكسة الحريم و لو قولت يتجه الشباب لاستخدام ‏الانترنت كلمه في سرك قريت في احصائية أن معظم مستخدمي الانترنت العرب كل همهم الشات ‏مع الحريم و ازاي يوقع بنت من علي النت و الباقي بيخش علي المواقع الاخبارية و الموضه ‏علشان ما ننساش الحريم ويطلعلوا علينا بتوع حموم الانسان "‏sorry‏" حقوق الانسان و ‏الجمعيات النسائية ويقولوا فين حقنا احنا النص التاني اقولها اتنيلى علي خيبتكم التقيلة و ‏روحي ربي العيال و شوفي أبو العيال أحسن من اللت و العجن معلش دخلنا في قضية الستات ‏و حقوقهم بس نرجع لاستخدام الانترنت ساعتها الناس تقول الولد ولا البت ماله بقي متقوقع ‏علي نفسه و خجول و خايفين عليه و لا قولت يطلعوا يعمروا الصحراء فهو ده بقا المستحيل و ‏لمسته بعينه لما كنت بطلع شغل في اجازة الجامعة مع الوالد اركب صوب زراعية في اكتوبر ما ‏قولكش علي الشمس بقا عامله ازاي و صحابي في المصايف و أنا برده في مصيف بس ‏مصيف من نوع خاص و في يوم و أنا شغال في الموقع مع العمال جه اتوبيس مع المسئول ‏عن الموقع و قالي دول شباب الحزب الوطني جايين يدربوا كلفهم بشغل في تركيب الصوب ‏قولتله ماشى و ووزعتهم علي الشغل الاقي يا خويا كل اتنين منهم مشتركين في شيل ماسورة ‏لو جبت عبد الرحمن بن أخويا الى عنده 6 سنين هيشيلها لوحده و عصاير و وجبه من كنتاكي ‏و مايه متلجة و هي ساعة و كلهم قعدوا ريحو في ضل صوبة و تقولي شباب شباب الندامة يا ‏خويا....‏
مع تحيات اخصائى معلومات مفروس من عصر العولمة ......‏
و أحلي تحية لشباب و شابات الفلانتنين و دقى يا مزيكا.....

المكتبين العرب said...

قصيدة 'يا شعبي' ... شعر محمد حسني مبارك

ياشعبي حبيبي

ياروحي يابيبي

ياحاطك في جيبي

يابن الحلال

ياشعبي ياشاطر

ياجابر خواطر

ياساكن مقابر

وصابر وعال

ياواكل سمومك

يابايع هدومك

ياحامل همومك

وشايل جبال

ياشعبي اللي نايم

وسارح وهايم

وفي الفقر عايم

وحاله ده حال

احبك محشش

مفرفش مطنش

ودايخ مدروخ

واخر انسطال

احبك مكبر دماغك

مخدر ممشي امورك كده باتكال

واحب اللي ينصب

واحب اللي يكدب

واحب اللي ينهب

ويسرق تلال

واحب اللي شايف

وعارف وخايف

وبالع لسانه

وكاتم ماقال

واحب اللي قافل عيونه

المغفل

واحب البهايم

واحب البغال

واحب اللي راضي

واحب اللي فاضي

واحب اللي عايز يربي العيال

واحب اللي يائس

واحب اللي بائس

واحب اللي محبط وشايف محال

واحبك تسافر

وتبعد تهاجر

وتبعت فلوسك دولار او ريال

واحبك تطبل

تهلل تهبل

عشان مطش كوره

وفيلم ومقال

واحبك تأيد

تعضض

تمجد

توافق

تنافق

وتلحس نعال

تحضر نشادر

تجمع كوادر

تلمع تقمع

تظبط مجال

لكن لو تفكر

تخطط

تقرر

تشغل مخك

وتفتح جدال

وتبدأ تشاكل

وتعمل مشاكل

وتنكش مسائل

وتسأل سؤال

وعايز تنور

وعايز تطور

وتعملي روحك مفرد رجال

ساعتها حجيبك

لايمكن اسيبك

وراح تبقى عبره وتصبح مثال

حبهدل جنابك

وأذل اللي جابك

وحيكون عذابك ده فوق الاحتمال

وامرمط سعادتك

واهزأ سيادتك

واخلي كرامتك في حالة هزال

وتلبس قضية

وتصبح رزية

وباقي حياتك تعيش في انعزال

حتقبل ححبك

حترفض حلبك

حتطلع

حتنزل

حجيبلك جمااااال
تحياتي لبابا