February 14, 2008

كان عندي طير لسهى زكي





سهى زكي

سهى زكي

سهى زكي

من لايعرف سهى زكي

هاتلاقوها بنت بلد حقيقية، ودايما باشوفها مع بنتها نهى ماسكة في ديلها، ممكن تقعد تضرب معاها سيجارتين وتتكلم في كل حاجة وماعندهاش تابوهات، كده يبقى نص الجنان، النص التاني هاتلاقيه في قصصها التي تهتم فيها بتفاصيل الأحاسيس الحمقاء التي تنتهبنا جميعا، لكنها مع كل هذا الجنان الفني، فهي أم وشخصية لاتملك سوى أن تخلع لها القبعة، وأن تبجلها تماما، فهي مقاتلة حقيقية في هذه الحياة الملتاثة التي نعيشها، تعرف كيف تقرأ مستقبلك من نظرة في عينيك، لكنها لم تستطع أن تقرأ مايخبئه لها هذا القدر القاس، إنها الأديبة والكاتبة والأم النبيلة سهى زكي।

هذه حسب معلوماتي المتواضعة للغاية مجموعتها القصصية الثانية، عمل رائع تماما لايستحق فقط القراءة، لكن يستحق أن يحتل مكانه على رفوف قلوبنا، تحية لها هذا الكائن المحلق في سماء الأدب بشويش، وتحية لإبنتها التي تذكرني دائما بأنني أيضا أب، وتحية لنهى محمود هذه المصيبة المتحركة الممتلئة فنا وموهبة ولفاوست الآتي من جحيم الأدب رابعنا في الجريمة।

13 comments:

كراكيب نـهـى مـحمود said...

احلى د0 زين في الدنيا
الشريك الاول في مربع الجريمة هه حلوة اوي اوي مبروك لسهى ولينا كلنا كل المحبة لك

سهــى زكــى said...

ياااااااااااااااه، كل دا انا ، كتير عليا اوى كدا د.زين ، انا وشى احمر وعينى رغرغت وبجد مش عارفة اقولك ايه عن المحبة الجميلة الراقية دى ، انا عارفة انك كدا لكن بصراحة مكنتش عارفة انى انا عندك كدا ، ربنا يخليك لينا انا وكراكيب وفاوست ويارب يديم علينا الرباعة الجريمة دا قادر يا
كريم ، على فكرة وحشتنى جدا ونهنوه قلقانة عايزا تضايق حد غيرى فى عيشته
اشكرك جدا جدا جداااااوادى بوسة كبيــــــرة قد كدا على جبهتك المنورة بحب كل الناس

fatima said...

هى واضح عليها انها أتولدت ام كدا و كلها حنان و دفء..
ان شاء الله هشترى الكتاب و أقولها رأيى ..انت عمال تعرفنى على ناس مدهشة ... و مش عارفة هرد لك كل دا ازاى؟؟..
قلبى وجعنى لما شوفت صورة فرحها .. هما الاتنين وكل أتنين جمال زيهم بيحسسونى ان عيد الحب ممكن يكونله معنى و قيمة ..بس برضه حزين ...
تحياتى و ربنا يوصل فى عمرها وتحبه كمان وكمان

لماضة said...

امممممم
طيب هدور عليه ان شاء الله فى معرض الكتاب فى الاسكدريه يارب الاقيه

fawest said...

تصدق يا د.زين
انا بحبك و بعتز بمعرفتك
لأنك عرفتنى عن طريق كتاباتى
و عرفت تحس بيا و بأفكارى
بجد مش هزار
عرفت ناس كتير الايام اللى فاتت
تهلل فى وشك بفرح و ترحيب
و أقول فى نفسى
منا كاتب عبقرى بقى حقى
و يسألونى السؤال الصدمه
أنت بتكتب إيه
بكتب إيه
يا اولاد الكلب
أمال عرفتونى من أيه ولا انتوا عشرتونى ولا سمعتونى
ولو انا شفت نفسى
هتف عليا
والعن الشخص الامعه اللى هو انا

MKSARAT SAYED SAAD said...

صديقى الغالي احلى بوب
لا تدمن البعد
عن المدونه كثيرا
فلك عقول جعلتها
تهوي الدخول اليك
وتحاورك
تأخذ منك
وتعطيها
اقطع فترة تمردك هذه
واعد لتسابيح بريقها
تحياتي

fawest said...

لماضه - يسعدنى ويشرفنى أن ابعث لك بالبريد الكتاب

معلش يا دكتور أخدتنى جلاله الكلام و رغيت بره موضوع البوست

نبضات said...

كلام حضرتك فى وصف الشخصيه شوقنى جدا للقراءه لهذه الشخصيه وللتعرف على مدونتها وطريقه وصف حضرتك لكتابتها اكتر من رائعه
قد كده يادكتور زين بتقدر تدخل جوه الشخصيات وتفهمها كويس !! وداااائما متميز يادكتور فى المواضيعك وفى طريقه تعليقك فى المدونات الاخرى

البوست دا احزننى عشان نفسى اقراء لناس كتير وكتب عرفتها عن طريق مدونة حضرتك وفى اولهم وبدون مجامله دماء ابللو ولكن مشكلتى الدائمه ...أزمة الوقت احيانا احلم بان يكون اليوم اكتر من 24 ساعه أو يكون الاسبوع 8 ايام بس على شرط يكون اليوم الثامن اجازه مش شغل عشان اقدر استمتع بهويتى التى افتقدها كتير واجد الوقت لقراءة كل هذه الرويات والكتب الجميله التى متشوقه جدا للتعرف عليها

تحياتى
سعيدة بمعرفة مدونتك

عين ضيقة said...

يظهر انك هتكون أحد الابواب اللى بتتفتح لى لقراءات جديدة



دمت طيبا

mona said...

بصراحة
جيت اعلق ما عرفتش اقول ايه
بس طبعا حضرتك عارف معزتك عند كل طلبة الفرقة التمهيدية حلوان
و مبروك للكاتبة سهى


تمهيدى حلوان

mona said...

مبروك لسهى عن
كان عندى طير

mona said...

نرجو من سيادتكم زيارة مدونتنا المتواضعة






تمهيدى حلوان

إبـراهيم ... معـايــا said...

د. زين، ومين يصدق إن حضرتك مدون كماااان، طب ده شيء رائع، أنا سعيد بالتعرف على حضرتك، وأشكرك بشدة وبقوة، وربمـــا بعنف على إهدائي روايتك المتميزة (جدماء أبو للو) بالتأكيد
...........
و أنا إبراهيم عادل
....... وبـــس

اتقابلنا ف ملتقى الرواية
خالص تحياتي